ຄະນະຜູ້ແທນຂັ້ນສູງຂອງລາວ ນຳໂດຍ ພະນະ ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ໄດ້ເດີນທາງເຖິງສະຫນາມບິນສາກົນ ໂຊກາໂນ ຮັດຕະ (Soe karno HHatta ນະຄອນຫຼວງ ຈາກາກຕາ ສາທາລະນະ ລັດ ອິນໂດເນເຊຍ ໃນວັນທີ 4 ກັນຍາ 2023 ເພື່ອເຂົ້າ ຮ່ວມກອງປະຊຸມສຸດຍອດອາຊຽນ ຄັ້ງທີ 43 ແລະ ກອງປະຊຸມສຸດຍອດອື່ນໆກ່ຽວຂ້ອງ ເຊິ່ງກອງປະຊຸມຄັ້ງນີ້ ດຳ ເນີນໄປພາຍໃຕ້ຄໍາຂວັນ “ອາຊຽນມີຄວາມສໍາຄັນ: ສູນກາງແຫ່ງການຈະເລີນເຕີບໂຕ” ທີ່ຈະມີຂຶ້ນໃນວັນທີ 4-7 ກັນ ຍາ 2023 ຕາມຄໍາເຊື້ອເຊີນຂອງ ພະນະທ່ານ ໂຈໂກ ວີໂດ ໂດ ປະທານາທິບໍດີ ແຫ່ງ ສາທາລະນະລັດ ອິນໂດເນເຊຍ ໃນຖານະເປັນປະທານອາຊຽນ ປີ 2023.
ກອງປະຊຸມສຸດຍອດອາຊຽນຄັ້ງນີ້ ພະນະທ່ານນາຍົກລັດ ຖະມົນຕີ ສອນໄຊ ສີພັນດອນ ຈະໄດ້ຮ່ວມກັບຜູ້ນຳ ຂອງປະເທດສະມາຊິກອາຊຽນອື່ນໆ ທົບທວນຄືນການສ້າງປະຊາຄົມອາຊຽນໃຫ້ເຂັ້ມແຂງ ແລະ ການຮ່ວມມືຂອງອາ ຊຽນກັບພາຍນອກ ແລະ ຈະຮັບຊາບຄວາມຄືບໜ້າຂອງການສ້າງວິໄສທັດປະຊາຄົມອາຊຽນຫຼັງປີ 2025 ພ້ອມນີ້ ທ່ານນາຍົກລັດຖະມົນຕີ ກໍຈະໄດ້ເຂົ້າຮ່ວມກອງປະຊຸມສຸດຍອດ ລະຫວ່າງອາຊຽນ ກັບບັນດາປະເທດຄູ່ເຈລະຈາ ຄື: ອົດສະຕຣາລີ ການາດາ ສປ ຈີນ ອິນເດຍ ຍີ່ປຸ່ນ ນິວຊີ ແລນ ສ ເກົາຫຼີ ຣັດເຊຍ ສ ອາເມຣິກາ ແລະ ສປຊ.
ອັນສຳຄັນ ໃນໂອກາດພິທີປິດຂອງກອງປະຊຸມສຸດຍອດຄັ້ງນີ ພະນະທ່ານປະທານາທິບໍດີ ແຫ່ງ ສ. ອິນໂດເນເຊຍ (ໃນນາມປະທານອາຊຽນ ໃນປີ 2023) ຈະໄດ້ມອບການເປັນປະທານອາຊຽນໃຫ້ ພະນະທ່ານນາຍົກລັດຖະມົນຕີ ແຫ່ງ ສປປ ລາວ (ໃນນາມປະທານອາຊຽນ ໃນປີ 2024).
ນອກຈາກນີ້ ພະນະທ່ານນາຍົກລັດຖະມົນຕີ ຍັງຈະໄດ້ພົບ ປະສອງຝ່າຍກັບ ຄູ່ຮ່ວມຕຳແໜ່ງຈາກ ປະເທດສະມາຊິກອາຊຽນ ແລະ ປະເທດຄູ່ເຈລະຈາອາຊຽນ ເພື່ອປຶກສາກາລື ກ່ຽວກັບ ການພົບພັນຮ່ວມມືສອງຝ່າຍ ແລະ ຖືໂອກາດເຊື້ອເຊີນບັນດາຜູ້ນຳດັ່ງກ່າວມາເຂົ້າຮ່ວມກອງປະຊຸມສຸດ ຍອດອາຊຽນ ຄັ້ງທີ 44 ແລະ 45 ແລະ ກອງປະຊຸມສຸດຍອດອື່ນໆທີ່ກ່ຽວຂ້ອງ ທີ່ ສປປ ລາວ ຈະໄດ້ຮັບກຽດເປັນເຈົ້າພາບ ແລະ ເປັນປະທານ ໃນປີ 2024.
