ສຳນັກຂ່າວຊິນຮວາ ຂອງ ສປ ຈີນ, ວັນທີ 30 ສິງຫາ, ສຳນັກງານສະຖິຕິແຫ່ງຊາດ ໃນສ.ເກົາຫລີ ລາຍງານວ່າ: ອັດຕາ ການເກີດ ຂອງປະເທດນີ້ ໄດ້ຫລຸດລົງຢ່າງຕໍ່ເນື່ອງເປັນເດືອນທີ 91 ຢ່າງຕິດຕໍ່ກັນ ຊຶ່ງສົ່ງຜົນໃຫ້ ຈຳນວນ ປະຊາກອນຫລຸດລົງ ຢ່າງຕໍ່ເນື່ອງ , ໂດຍຈຳນວນເດັກເກີດໃໝ່ ລວມມີ 18.615 ຄົນ, ຫລຸດລົງ 1,6% ເມື່ອທຽບໃສ່ປີກາຍນີ້.
ປະລິມານເດັກນ້ອຍເກີດໃໝ່ ສືບຕໍ່ຫລຸດລົງ ຕັ້ງແຕ່ເດືອນທັນວາປີ 2015 ເປັນຕົ້ນມາ ເນື່ອງຈາກຄົນໜຸ່ມສາວ ຢ່າງຫລວງຫລາຍ ມີລູກຊ້າ ຫລື ບໍ່ຢາກມີລູກ ເພາະວ່າບັນຫາທາງເສດຖະກິດ ເຊັ່ນ: ລາຄາທີ່ພັກອາໄສເພີ່ມສູງຂຶ້ນ ແລະ ການວ່າງງານ. ອັດຕາການເກີດຫລຸດລົງຕໍ່າເຮັດໃຫ້ເກີດຄວາມກັງວົນ ກ່ຽວກັບພາວະປະຊາກອນຫລຸດລົງ ແລະ ອື່ນໆ.
