ຕາມຂ່າວຈາກວິທະຍຸສາກົນຫວຽດນາມ ເມື່ອບໍ່ດົນມານີ້, ທ່ານ Valdis Dombrovskis ຮອງປະທານ ຄະນະກຳມະການ ເອີຣົບ, ທັງເປັນ ກຳມະການ ການຄ້າ ຂອງສະຫະພາບ ເອີຣົບ (ອີຢູ) ໄດ້ຮຽກຮ້ອງໃຫ້ຣັດເຊຍ ຟື້ນຟູຂໍ້ລິເລີ່ມທັນຍາພືດ ທະເລດຳ ຄືນໃໝ່, ເຊິ່ງເປັນຂໍ້ຕົກລົງທີ່ອະນຸຍາດໃຫ້ທັນຍາພືດຂອງອູແກຣນ ໄດ້ສົ່ງອອກຜ່ານທ່າກ່ຳປັ່ນຕ່າງໆ ຢູ່ທະເລດຳ ຢ່າງປອດໄພ. ພາຍຫລັງທີ່ຣັດເຊຍຖອນຕົວອອກຈາກຂໍ້ຕົກລົງສະບັບນີ້ເມື່ອເດືອນກ່ອນ. ສຳລັບນອກກອງປະຊຸມ ລັດຖະມົນຕີການຄ້າກຸ່ມບັນດາພື້ນຖານເສດຖະກິດພັດທະນາ ແລະ ຫາກໍພົ້ນເດັ່ນແຖວໜ້າໂລກ (G20) ຢູ່ອິນເດຍ, ທ່ານ Valdis Dombrovskis ພ້ອມໃຫ້ການສະໜັບສະໜູນທຸກຄວາມມານະພະຍາຍາມ ຂອງ ສປຊ ແລະ ຕວັກກີ ທີ່ກ່ຽວຂ້ອງເຖິງຂໍ້ລິເລີ່ມທັນຍາພືດທະເລດຳ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
