ຕາມຂ່າວຈາກວີໂອເອ, ທ່ານໂຈ ໄບເດັນ, ປະທານາທິບໍດີ ສ.ອາເມລິກາ ໄດ້ເຊັນດຳລັດ ປະທານທິບໍດີ ເມື່ອບໍ່ດົນມານີ້ ເພື່ອກໍານົດກົດ ຂໍ້ບັງຄັບ ກ່ຽວກັບ ການລົງທຶນ ຂອງ ສ.ອາເມລິກາ ໃນບາງໂຮງງານ ທີ່ມີເຕົກໂນໂລຊີ ຂັ້ນສູງ ຢູ່ ສປ ຈີນ.ຂໍ້ຈໍາກັດໃໝ່ນີ້ ຈະຈໍາກັດ ການລົງທຶນ ຂອງບັນດາ ນັກທຸລະກິດ ຂອງ ສ.ອາເມລິກາ ໃນນພາກສ່ວນ ທີ່ມີເຕັກໂນໂລຊີ ຢູ່ໃນ ສປ ຈີນ ເຊັ່ນ: ໜ່ວຍພະລັງງານ, ຄອມພິວເຕີ້, ປັນຍາປະດິດ ແລະ ເຊມີຄອນດັກເຕີ້ ທີ່ທັນສະໄໝ.ຂະນະທີ່ ການລົງທຶນ ບາງອັນ ໃນພາກສ່ວນຕ່າງໆ ເຫລົ່ານັ້ນ ຈະຕ້ອງມີ ການແຈ້ງໃຫ້ ລັດຖະບານ ສ.ອາເມລິກາ ຮັບຮູ້. ແຕ່ໃນກໍລະນີ ອື່ນໆ ຈະຕ້ອງ ຖືກຫ້າມ, ແຕ່ຍັງບໍ່ມີ ລາຍລະອຽດຈະ ແຈ້ງແນວໃດ ອອກມາ ໃນທັນທີ. ມັນຈະມີຜົນຕໍ່ ການລົງທຶນໃໝ່ ເທົ່ານັ້ນ ແລະ ມີຜົນບັງຄັບໃຊ້ ໃນປີໜ້າ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
