ພະຍາກອນອາກາດ ປະຈໍາວັນທີ ີ31 ກໍລະກົດ 2023 ຮ່ອງຄວາມກົດດັນອາກາດຕໍ່າຍັງພາດຜ່ານຢູ່ເຂດພາກເໜືອຂອງປະເທດລາວ. ສົມທົບກັບລົມມໍລະສຸມຕາເວັນຕົກສ່ຽງໃຕ້ຍັງມີກໍາລັງແຮງພັດປົກຄຸມ, ຊື່ງຈະເຮັດໃຫ້ມີຝົນຕົກ ຟ້າຮ້ອງ ຟາເຫລື້ອມໃນລະດັບຄ່ອຍ ຫາ ປານກາງຢູ່ໃນແຕ່ລະພາກ ແລະ ຕົກໜັກ ພ້ອມມີລົມພັດແຮງເປັນບາງໂອາກດຢູ່ບາງທ້ອງຖິ່ນແຂວງພາກກາງ ແລະ ພາກໃຕ້.
ລາຍງານຂໍ້ມູນອຸຕຸກະເສດປະຈໍາວັນທີ 31 ກໍລະກົດ ຫາ 06 ສິງ ຫາ 2023 ສໍາລັບເຂົ້ານາປີ ແລະພືດຜັກ, ໃນໄລຍະໜຶ່ງອາທິດຂ້າງໜ້າແມ່ນມີຄວາມສ່ຽງອາກາດຮ້ອນເອົ້າຢູ່ໃນເຂດເມືອງປາກຊ່ອງ, ແຂວງຈໍາປາສັກ. ເຂົ້ານາປີແມ່ນຢູ່ໃນໄລຍະຈະເລີນເຕີບໂຕຂອງຕົ້ນກ້າ ແລະ ພືດ. ດັ່ງນັ້ນກະສິກອນຄວນເອົາໃຈໃສ່ຕິດ ຕາມ ແລະ ເພີ່ມທະວີມາດຕະການທີ່ເໜາະສົມຕໍ່ກັບສະພາບອາກາດທີ່ມີຝົນ ແລະ ອາກາດຮ້ອນເອົາທີ່ມີຄວາມສ່ຽງປານກາງ.
