ວັນທີ 21 ກໍລະກົດ 2023 ນີ້ ທີ່ຫ້ອງປະຊຸມໃຫ່ຍຂອງເມືອງໂພນທອງ ແຂວງຫຼວງພະບາງ ໄດ້ຈັດກອງປະຊຸມເປີດກ້ວາງຄັ້ງທີ 14 ສະໄໝທີ ll ຂອງຄະນະບໍລິຫານງານພັກເມືອງ,ໂດຍການເປັນປະທານຂອງສະຫາຍ ບຸນຈັນ ປານຟອງເພັດ ກຳມະການພັກແຂວງ ເລຂາຄະນະບໍລີຫານງານພັກເມືອງ-ເຈົ້າເມືອງໂພນທອງ,ມີຄະນະປະຈຳ,ກຳມະການພັກເມືອງ,ມີຫົວໜ້າ-ຮອງຫົວໜ້າຫ້ອງການ,ນາຍແລະພົນທະຫານ,ນາຍແລະພົນຕຳຫຼວດພະນັກງານຫຼັກແຫຼ່ງເຂົ້າຮ່ວມ.
ສະຫາຍ ບຸນຈັນ ປານຟອງເພັດ ໄດ້ກ່າວເປີດກອງປະຊຸມ ແລະໄດ້ຮຽກຮອງໃຫ້ຜູ້ເຂົ້າຮ່ວມຈົ່ງພ້ອມກັນສຸມສະຕິປັນຍາເຂົ້າໃນການຄົ້ນຄ້ວາປະກອບຄຳເຫັນ ຕໍ່ຮ່າງບົດລາຍງານຕີລາຄາການຈັດຕັ້ງປະຕິບັດວຽກງານຮອບດ້ານປີ 2022 ແລະ ທິດທາງວຽກງານຈຸດສຸມປີ 2023, ແຜນພັດທະນາເສດຖະກິດ-ສັງຄົມປີ 2022 ແລະ ທິດທາງຈຸດສຸມປີ 2023 ຢ່າງພາວະວິໄສ ຖືກຕ້ອງ -ສອດຄ່ອງ ແລະ ແທດເໝາະກັບສະພາບຄວາມເປັນຈິງໃນຂົງເຂດວຽກງານທີ່ຕົນຮັບຜິດຊອບ.ຈາກນັ້ນ ສະຫາຍ ທອງດີ ດວງພະຈັນ ຮອງເລຂາພັກເມືອງ ໄດ້ຂື້ນຜ່ານບົດລາຍງານຕີລາຄາການຈັດຕັ້ງປະຕິບັດວຽກງານຮອບດ້ານປີ 2022 ແລະ ທິດທາງຈຸດສຸມປີ 2023, ເຊິ່ງຍົກໃຫ້ເຫັນ ຜ່ານມາສຳເລັດການປະມານເມີນບ້ານປ້ອງກັນຊາດເຂັ້ມແຂງໄດ້ 8 ບ້ານ ແລະ ສ້າງບ້ານປອດຢາເສບຕິດ ໄດ້ 6 ບ້ານ,ລົງເຜີຍແຜລະບຽບການຂອງກົດຈະລະຈອນໃຫ້ບ້ານ ແລະ ໂຮງຮຽນໄດ້ 10 ຄັ້ງ, ທົ່ວເມືອງມີສັດລ້ຽງປະເພດ ງົວ 9.352ໂຕ,ຄວາຍ 3.372 ໂຕ,ແບ້ 2.697 ໂຕ,ໝູ 6.682ໂຕ ແລະ ສັດປີກ 78.812 ໂຕ. ໃນທົ່ວເມືອງມີເນື້ອທີສວນຫຍ້າທັງໝົດ 925,25 ເຮັດຕາ,ສົ່ງເສີມໃຫ້ປະຊາຊົນປູກໝາກເດືອຍມີ 5 ບ້ານ,ຂົງເຂດວັດທະນະທໍາ-ສັງຄົມ ມີອັດຕາການຮຽນຂອງເດັກ ອາຍຸ 5 ປີ ຄາດໝາຍ 98,7% ປະຕິບັດໄດ້ 88,5%,ອັດຕາປະລະຊັ້ນມັດທະຍົມປະຕິບັດໄດ້ 16,34%,ແມ່ມານບໍລິການຟາກທອງ ປະຕິບັດໄດ້ 100%. ໃນທົ່ວເມືອງ ມີອັດຕາຊົມໃຊ້ນໍ້າສະອາດປະຕິບັດໄດ້ 90%,ສັກຢາວັກຊີນໂຄວິດເຂັ້ມ 1 ເທົ່າກັບ 55%, ເຂັ້ມ 2 ເທົ່າກັບ 51% ແລະເຂັ້ມ 3 ເທົ່າກັບ 3,4% ຂອງປະຊາທົ່ວເມືອງ,ອອກຂ່າວໂທລະໂຄງຂອງເມືອງປະຕິບັດໄດ້ 90% ,ມອບເງີນອຸດໜູນໃຫ້ພະນັກງານບຳນານເສຍອົງຄະ 19 ຄົນ ,ວຽກງານຂົງເຂດບໍລິງານລັດ ແລະ ການປົກຄອງ ໄດ້ປະກາດບ້ານໜັກແໜ້ນເຂັ້ມແຂງໄດ້ 12 ບ້ານ ,ບຳລຸງພາລະບົດບາດໃຫ້ຄະນະແກ້ໄຂຂໍ້ຂັດແຍ່ງຂັ້ນບ້ານໄດ້ 10 ບ້ານ ແລະ ວຽກງານແນວລາວສາງຊາດ ,ອົງການຈັດຕັ້ງມະຫາຊົນ, ສະຫະພັນນັກຮົບເກົ່າໄດ້ຂະຫຍາຍສະມາຊິກຊາວໝຸ່ມໄດ້ 188 ສະຫາຍ,ເຍົ້າວະຊົນໄດ້ 250 ນ້ອງ,ຂະຫຍາຍສະມາຊິກແມ່ຍິງໄດ້ 135 ສະຫຍາຍ ແລະວຽກງານພັກພະນັກງານ ໄດ້ສົ່ງພະນັກງານໄປຍົກລະດັບທິດສະດີການເມືອງການປົກຄອງຢູ່ພາຍໃນ ແລະ ຕ່າງປະເທດໄດ້ທັງໝົດ 73 ສະຫຍາຍ.
ໃນວາລະກອງປະຊຸມຄັ້ງນີ້ ຜູ້ແທນເຂົ້າຮ່ວມ ກໍໄດ້ປະກອບຄວາມຄິດເຫັນເຈາະຈິ້ມ ຕໍ່ບັນດາການຈັດຕັ້ງປະຕິບັດວຽກງານທີ່ຜ່ານມາ ເພື່ອຖອດຖອນບົດຮຽນ,ຈຸດດີ,ຈຸດອ່ອນ ແລະຂໍ້ຄົງຄ້າງ ທີ່ຈະຕ້ອງປັບປຸງແກ້ໄຂໃນໄລຍະຕໍໄປ.ກອງປະຊຸມຄັ້ງນີ້ ດຳເນີນເປັນເວລາ 1 ວັນຈິ່ງສຳເລັດ.
ຂ່າວ: ສົມເພັດ ໄຊມີກອນ
