ພິທີມອບ-ຮັບໂຄງການກໍ່ສ້າງຟື້ນຟູເສັ້ນທາງທີ່ໄດ້ຮັບຜົນກະທົບຈາກໄພພິບັດທາງທຳມະຊາດຂອງກະຊວງປ້ອງກັນປະເທດ ຈັດໃນວັນທີ 20 ກໍລະກົດ 2023 ໂດຍການເຂົ້າ ຮ່ວມຂອງ ພົນຈັດຕະວາ ສົມພອນ ມິດຕະພອນ, ຮອງຫົວ ໜ້າກົມໃຫຍ່ເສນາທິການກອງທັບ, ມີ ສະຫາຍ ພົນຈັດ ຕະວາ ວຽງໄຊ ໄຊສະໝອນ, ຫົວໜ້າກົມຊ່າງແສງ, ທ່ານ ແຫລວຄຳ ວົງສະຫວັນທອງ, ຜູ້ອຳນວຍການ ປະທານ ບໍລິສັດ ອິນຊີ ພັດທະນາ, ພ້ອມດ້ວຍວິຊາການທັງສອງຝ່າຍເຂົ້າຮ່ວມ.
ໃນພິທີ ທ່ານ ແຫລວຄຳ ວົງສະຫວັນທອງ ຜູ້ອໍານວຍການ ປະທານ ບໍລິສັດ ອິນຊີພັດທະນາ ໄດ້ຂື້ນຜ່ານບົດລາຍງານ ມອບ-ຮັບໂຄງການດັງກ່າວ ໂດຍແມ່ນກະຊວງປ້ອງກັນປະເທດເປັນເຈົ້າຂອງໂຄງການ ແລະ ບໍລິສັດອິນຊີພັດທະນາ ເປັນຜູ້ຮັບເໝົາກໍ່ສ້າງ. ໂຄງການກໍ່ສ້າງດັ່ງກ່າວເລີ່ມລົງມືກໍ່ສ້າງມາແຕ່ເດືອນພຶດສະພາ-ເດືອນມິຖຸນາ ໄດ້ສຳເລັດຕາມແຜນການ, ເສັ້ນທາງມີຄວາມຍາວທັງໝົດເກືອບ 4 km, ມີມູນຄ່າໃນການກໍ່ສ້າງ 2.306.532.715 ກີບ.
ເພື່ອປັບກໍ່ສ້າງເສັ້ນທາງເພື່ອຟື້ນຟູທາງເກົ່າທີ່ຖືກຜົນກະທົບຈາກໄພພິບັດທາງທຳມະຊາດໃຫ້ແກ່ພໍ່-ແມ່ ປະຊາ ຊົນໃນຂອບເຂດບ້ານມະນີລາດ ເມືອງ ໄຊບູລີ ແຂວງສະ ຫວັນນະເຂດ ແລະ ພະນັກງານ-ນັກຮົບສັນຈອນໄປ-ມາເຂົ້າຫາຄ້າຍກອງພັນໃຫ່ຍ401ກອງທະຫານຮາບທີ4.
