ຂ່າວສານຊີອາໄອລາຍງານ ໃນຕົ້ນອາທິດຜ່ານມາ, ອົງການອຸຕຸນິຍົມໂລກ (WMO) ຢືນຢັນວ່າ: ປັດຈຸບັນນີ້ເຂດແຄ້ວນສ່ວນຫຼາຍຂອງເຟື້ອງໂລກເໜືອມີອາກາດຮ້ອນແຮງ, ໄດ້ເກີດມີສະຖິຕິອຸນຫະພູມສູງ ຢ່າງຕໍ່ເນື່ອງ, ສະຖິຕິອຸນຫະພູມສູງຂອງປະເທດຈຳນວນໜຶ່ງອາດຈະຖືກທຳລາຍ ໂດຍອີງຕາມໂຕເລກສະຖິຕິໃນເບື້ອງຕົ້ນສະແດງໃຫ້ເຫັນວ່າ ຫຼັງຈາກອຸນຫະພູມສະເລ່ຍທົ່ວໂລກໃນເດືອນມິຖຸນາຜ່ານມາໄດ້ສ້າງສະຖິຕິສູງທີ່ສຸດໃນປະຫວັດສາດອີກຄັ້ງໃໝ່ ຊຶ່ງສະພາບການນີ້ໄດ້ສືບຕໍ່ມາຮອດເດືອນກໍລະກົດນີ້.
ອີງຕາມໂຕເລກສະຖິຕິຂອງອົງການອຸຕຸນິຍົມແຫ່ງຊາດອາເມຣິກາສະແດງໃຫ້ເຫັນວ່າ: ຄື້ນຄວາມຮ້ອນທີ່ແຜ່ຂະຫຍາຍກວ້າງຢູ່ອາເມຣິກາມີຄວາມຮຸນແຮງຂຶ້ນໃນທ້າຍອາທິດ ຈາກວັນທີ 15 ຫາວັນທີ 16 ກໍລະກົດນີ້, ການເຕືອນໄພທີ່ຈະມີອຸນຫະພູມສູງຖືກສົ່ງໄປເຖິງປະຊາກອນ 100 ລ້ານກວ່າຄົນ. ຢູ່ການາດາ ໄຟໄໝ້ປ່າສືບຕໍ່ແຜ່ລາມເປັນບໍລິເວນກວ້າງຢ່າງຕໍ່ເນື່ອງ.
