ສຳນັກຂ່າວ ກຽວໂດຂອງຍີ່ປຸ່ນ,ນັກເດີນທາງ ຕ່າງປະເທດ ກັບມາໃຊ້ ບໍລິການ ໃນອາຄານ ຜູ້ໂດຍສານ 2 ຂອງສະໜາມບິນ ສາກົນ ຮາເນດະ ໃນນະຄອນຫລວງ ໂຕກຽວ ຂອງຍີ່ປຸ່ນ ຄືນໃໝ່ ໃນວັນທີ20 ກໍລະກົດນີ້ ຢ່າງຟົດຟື້ນ ອີກຄັ້ງ ຫລັງຈາກ ປິດການໃຊ້ງານ ເປັນເວລາ 3ປີ ເນື່ອງຈາກ ການແພ່ລະບາດ ໂຄວິດ-19 ຊຶ່ງສາຍການບິນ ອໍລນິປອນ ແອລາຍ(All Nippon Airways) ຫລື ເອເອັນເອ(ANA) ຈະໃຊ້ອາຄານນີ້ ສຳລັບ ທ່ຽວບິນ ອອກນອກປະເທດ ທີ່ເດີນທາງໄປຍັງ ນະຄອນຫລວງ ລອນດອນ ຂອງອັງກິດ,ນະຄອນຊຽງໄຮ້,ຮົງກົງ ແລະ ນະຄອນໄທເປ ຂອງໄຕ້ຫວັນ ເຂດບໍລິຫານ ພິເສດ ຂອງ ສປ ຈີນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
