ຕາມຂ່າວຈາກວິທະຍຸສາກົນຫວຽດນາມ ຕາມຕາຕະລາງຈັດອັນດັບໜັງສືຜ່ານແດນທົ່ວໂລກ ໂດຍບໍລິສັດໃຫ້ຄຳປຶກສາການຕັ້ງຖີ່ນຖານ ຄົງທີ່ Henley & Partners ທີ່ມີສຳນັກງານໃຫຍ່ຢູ່ອັງກິດ ປະກາດເມື່ອບໍ່ດົນມານີ້ວ່າ: ສສ ຫວຽດນາມ ຖືກຈັດອັນດັບທີ 86, ເລື່ອນຂຶ້ນມາ 6 ຂັ້ນ ເມື່ອທຽບໃສ່ ປີ 2022 ໂດຍພົນລະເມືອງຫວຽດນາມ ສາມາດເດີນທາງໄປຍັງ 55 ປະເທດ ແບບບໍ່ຕ້ອງຂໍວິຊາ. ຂະນະທີ່ສິງກະໂປ ໄດ້ລື່ນກາຍຍີ່ປຸ່ນ ກາຍເປັນປະເທດມີໜັງສືຜ່ານແດນທີ່ມີສິດອຳນາດ ຫລາຍທີ່ສຸດໃນໂລກ ໂດຍພົນລະເມືອງສິງກະໂປໄດ້ຮັບອະນຸຍາດໃຫ້ເຂົ້າເມືອງ ຂອງ 192 ໃນຈຳນວນ 227 ປະເທດ ທົ່ວໂລກ ແບບບໍ່ຕ້ອງຂໍວິຊາ./.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
