ເນື່ອງຈາກໃນວັນທີ 20 ເມສາ 2023 ຜ່ານມາໄດ້ມີຟ້າລົມ ແລະ ໝາກເຫັບຕົກໜັກເຮັດໃຫ້ອາລາມ ແລະ ກຸດຕິຂອງວັດບ້ານໂພນໄຊ ເຮັດໃຫ້ກະເບື້ອງແຕກຈຳນວນ 650 ແຜ່ນ, ລົບແປ 81 ອັນ ລວມມູນຄ່າເສຍຫາຍທັງໝົດ 30.050.000ກີບ ໂດຍອີງຕາມໜັງສືສະເໜີ ບ້ານໂພນໄຊ ສະບັບເລກທີ 09/ນບ ລົງວັນທີ 4/7/2023 ຂໍເງີນຊໍາລະຄ່າສ້ອມແປງວັດບ້ານໂພນໄຊ ທີ່ຖືກຜົນກະທົບຈາກໄພພິບັດລົມພັດ, ໝາກເຫັບຕົກ. ດັ່ງນັ້ນຄະນະພັກ-ຄະນະບັນຊາກອງພົນທີ 2 ໄດ້ສົມທົບກັບພະແນກການກ່ຽວຂ້ອງລົງຕິດຕາມ, ກວດກາຜົນກະທົບຈາກໄພພິບັດທາງທຳມະຊາດດັ່ງກ່າວ. ມາໃນວັນທີ 13 ກໍລະກົດ 2023 ຜ່ານມານີ້ ຄະນະພັກກອງພົນທີ 2 ໄດ້ນໍາເອົາເງິນສົດຈໍານວນ 11.500.000 ກີບ ລົງມອບຊ່ວຍສົມທົບທືນຊື້ກະເບື້ອງ ເເລະ ອຸປະກ່ອນອື່ນໆທີ່ຈໍາເປັນພິທີມອບ-ຮັບໄດ້ຈັດຂຶ້ນທີ່ ວັດບ້ານໂພນໄຊ ໂດຍການກ່າວມອບຂອງສະຫາຍ ພັນໂທ ບຸນເລີດ ແກ້ວອຸດົມ ຮອງຫົວໜ້າຫ້ອງການ ແລະ ບໍລິຫານກອງພົນທີ 2 ພ້ອມດ້ວຍຄະນະເຂົ້າຮ່ວມເປັນສັກຂີພະຍານ ແລະຕ່າງໜ້າໃຫ້ບ້ານ ໂດຍເເມ່ນທ່ານນາຍບ້ານພ້ອມຄະນະ, ມີເຈົ້າອາວາດວັດບ້ານໂພນໄຊ ເຂົ້າຮ່ວມ ແລະ ສະແດງຄວາມຂອບໃຈມາຍັງຄະນະພັກ-ຄະນະບັນຊາກອງພົນທີ 2 ທີ່ຍາມໃດກໍ່ເປັນຫ່ວງເປັນໃຍ ເເລະ ໃຫ້ຄວາມຊ່ວຍເຫລືອບ້ານຕະຫລອດມາ.
ໂດຍ: ອານຸສັກ ອຳພັນວິໄລ
