ເມື່ອບໍ່ດົນມານີ້, ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ເມືອງມຸນລະປາໂມກ ແຂວງຈຳປາສັກ ໄດ້ຈັດພິທີມອບ-ຮັບ ແລະ ຕິດຕັ້ງໂທລະໂຄ່ງ ພ້ອມແນະນຳວິທີການນຳໃຊ້ໃຫ້ 6 ບ້ານເປົ້າໝາຍຄື: ບ້ານກ້ວຍ, ບ້ານທ່າກັງ, ບ້ານການເຫຼືອງ, ບ້ານທ່າຫີນ, ບ້ານເວີນແຄນ ແລະ ບ້ານດອນເປືອຍ ຂຶ້ນທີ່ຫ້ອງ ການບ້ານດັ່ງກ່າວ. ໂດຍການເຂົ້າຮ່ວມຂອງທ່ານ ສີສະຫັວດ ພົມມະລິວັນ ຮອງເຈົ້າເມືອງ ຜູ້ຊີ້ນຳຂົງເຂດວັດທະ ນະທຳ-ສັງຄົມ, ມີທ່ານ ບຸນເນື່ອງ ໂຊຕິທອນ ຫົວໜ້າຫ້ອງການ ຖວທ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມ.
ໂດຍການໃຫ້ກຽດມອບຂອງ ທ່ານ ບຸນເນື່ອງ ໂຊຕິທອນ ແລະ ກ່າວຮັບໂດຍທ່ານນາຍບ້ານຂອງບ້ານດັ່ງກ່າວ ໂທລະໂຄ່ງທີ່ນໍາມາມອບໃນຄັ້ງນີ້ ເພື່ອນຳໃຊ້ເຂົ້າໃນການໂຄສະນາປະຊາສຳພັນວຽກງານຂ່າວສານຕ່າງໆ ເປັນຕົ້ນການເຜີຍແຜ່ແນວທາງນະໂຍບາຍຂອງພັກ-ລະບຽບກົດໝາຍຂອງລັດ ທັງເປັນການກະຈາຍຂໍ້ມູນຂ່າວສານໃຫ້ພໍ່ແມ່ປະຊາຊົນໄດ້ຮັບຮູ້-ເຂົ້າໃຈທ່ວງທັນກັບສະພາບການເປັນຕົ້ນ: ການເຝົ້າລະວັງການແຜ່ລະບາດຂອງພະຍາດຕາມລະດູການ, ສະພາບໄພພິບັດຕ່າງໆ ແລະ ເນື້ອໃນມະຕິ, ຄຳສັ່ງ, ແຈ້ງການຂອງຂັ້ນເທິງແຕ່ລະໄລຍະໃຫ້ທົ່ວເຖິງ.
ຂ່າວ-ພາບ: ໜູລີ່ ຊາພັກດີ
