ຕາມຂ່າວຈາກນະຄອນຫລວງປັກກິ່ງ ວັນທີ 17 ກໍລະກົດນີ້ ສຳນັກງານສະຖິຕິແຫ່ງຊາດຈີນ ເປີດເຜີຍວ່າ: ຕົວເລກ ເສດຖະກິດຈີນ ໃນໄຕມາດ 2 ໃນປີນີ້ຂະຫຍາຍຕົວລະດັບ 6,3% ພວມເດີນໜ້າຟື້ນຕົວໄປໃນທາງດີຂຶ້ນ ຫລັງຈາກການແພ່ລະບາດໂຄວິດ-19 ຍ້ອນຄວາມຕ້ອງການໃນຕະຫລາດຄ່ອຍຟື້ນຕົວຢ່າງແຂງແຮງ, ການຜະລິດເພີ່ມຂຶ້ນ, ການຈ້າງງານ, ລາຄາສິນຄ້າ ແລະ ບໍລິການໂດຍທົ່ວໄປແມ່ນມີຄວາມໝັ້ນຄົງເຮັດໃຫ້ປະຊາຊົນ ມີລາຍໄດ້ເພີ່ມຂຶ້ນຢ່າງຕໍ່ເນື່ອງ. ຂະນະທີ່ ສປ ຈີນ ຕັ້ງເປົ້າໝາຍເສດຖະກິດຂະຫຍາຍຕົວ 5%ໃນປີນີ້ ຫລັງຈາກປີກາຍນີ້ຂະຫຍາຍຕົວ 3% ຕ່ຳກວ່າເປົ້າໝາຍທີ່ກຳນົດໄວ້ລະດັບ 5,5%.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
