ຕາມຂ່າວຈາກ ນີວແດນລີ, ອິນເດຍ ສົ່ງຈະຫລວດ ທີ່ບັນທຸກ ຍານອາວະກາດ ແບບບໍ່ມີຄົນຂັບ ເດີນທາງໄປ ສຳຫລວດ ເທິງດວງຈັນ ຊຶ່ງເປັນ ຄວາມພະຍາຍາມ ຄັ້ງທີ2 ໃນການເດີນທາງໄປ ສຳຫລວດ ດວງຈັນ ໂດຍນຳໃຊ້ ຈະຫລວດ LVM3-M4 ບິນຂຶ້ນຈາກ ຖານປ່ອຍ ຈະຫລວດ ເທິງເກາະ Sririgotaໃນລັດ Andhra Pradeshທາງໃຕ້ ຂອງອິນເດຍ ເມື່ອບໍ່ດົນມານີ້.ຖ້າຫາກ ພາລະກິດ ເປັນໄປ ຕາມແຜນ ຍານດັ່ງກ່າວ ຈະລົງຈອດ ເທິງດວງຈັນ ລະຫວ່າງ ວັນທີ23-24 ສິງຫານີ້ ສໍາລັບ ພາຍໃນຍານ ຈັນທະລາ-3ມີຍານສຳຫລວດ ພື້ນຜິວ ດວງຈັນ ທີ່ຊື່ວ່າ “ວິກຣາມ” ແລະ ລົດສຳຫລວດ ທີ່ຊື່ “ປຣາຈິທານາ”ຊຶ່ງເປັນ ບາດກ້າວໃໝ່ ໃນດ້ານການພັດທະນາ ທາງອາວະກາດຂອງອິນເດຍ ຢ່າງຕໍ່ເນື່ອງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
