ເກີດເຫດນໍ້າຖ້ວມ-ດິນເຈື່ອນ ຢູ່ ສ.ເກົາຫລີ ເສຍຊີວິດເກືອບ 40 ຄົນ

ສຳນັກຂ່າວຕ່າງປະເທດ ລາຍງານຈາກນະຄອນຫລວງເຊອຸນ ປະເທດ ສ.ເກົາຫລີ ເມື່ອວັນທີ 17 ກໍລະກົດວ່າ: ກະຊວງ ປ້ອງກັນປະເທດ ສ.ເກົາຫລີ ລາຍງານວ່າ: ສະຖານະການນໍ້າຖ້ວມ ແລະ ດິນເຈື່ອນ ເນື່ອງຈາກຝົນຕົກລົງມາຢ່າງໜັກເປັນເວລາຫລາຍວັນຕິດຕໍ່ກັນສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 39 ຄົນ, ສູນຫາຍຢ່າງໜ້ອຍ 9 ຄົນ ແລະ ຍັງມີຜູ້ໄດ້ຮັບບາດເຈັບອີກ 34 ຄົນ . ໂດຍສະເພາະແຂວງຢອງຊັງເໜືອທາງຕາເວັນອອກ ຂອງປະເທດ ກວດພົບຜູ້ເສຍຊີວິດຫລາຍທີ່ສຸດ.