ແຫລ່ງຂ່າວຈາກ ແຂວງຈຳປາສັກໃຫ້ຮູ້ວ່າ: ທ້າຍອາທິດຜ່ານມາ, ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ ໄດ້ຕ້ອນຮັບ ຄະນະຈັດຝືກອົບຮົມ ຍົກລະດັບຄຸນນະພາບການເປັນເສນາທິການ ຈາກຫ້ອງວ່າການສູນກາງພັກ ນຳໂດຍທ່ານ ທ່ານ ມີໄຊ ພົມເຂ ຫົວໜ້າກົມທ້ອງຖິ່ນ-ຮາກຖານ, ທ່ານ ກິຫລຽນທອງ ແກ້ວນໍລະສິງ ຫົວໜ້າກົມຄົ້ນຄວ້າ-ສັງລວມ ຫ້ອງວ່າການສູນກາງພັກ ພ້ອມດ້ວຍຜູ້ຕາງໜ້າໃຫ້ຫ້ອງວ່າການ 5 ແຂວງ ພາກໃຕ້.
ໂອກາດນີ້, ທ່ານເຈົ້າແຂວງຈຳປາສັກ ໄດ້ສະແດງຄວາມຊົມເຊີຍ ມາຍັງຄະນະຈັດຝືກອົບຮົມຍົກ ລະດັບຄຸນນະພາບການເປັນເສນາທິການ ຈາກຫ້ອງວ່າການສູນກາງພັກ ເຊິ່ງເປັນການຊຸກຍູ້, ຍົກລະດັບ ໃຫ້ທ້ອງຖິ່ນຕິດພັນກັບການຈັດຕັ້ງປະຕິບັດວຽກງານຕົວຈິງ ໃນໄລຍະໃໝ່ ໂດຍສະເພາະ ແມ່ນ ຍົກລະດັບຄຸນນະພາບການເປັນເສນາທິການ ວຽກງານຄົ້ນຄວ້າ-ສັງລວມ(ວຽກພັກ) ແລະ ວຽກງານກໍ່ສ້າງຮາກຖານການເມືອງ ໃຫ້ບັນດາ ແຂວງ 5 ແຂວງພາກກາງ ແລະ ພາກໃຕ້; ຄວາມຈຳເປັນພາວະວິໄສຂອງການຍົກສູງຄຸນ ນະພາບໃນການເປັນເສນາທິການ ແລະ ການປະສານງານ ຂອງວຽກງານຄົ້ນຄວ້າ-ສັງລວມ; ບົດຮຽນໃນການສ້າງແຜນດຳເນີນງານ ຂອງຄະນະບໍລິຫານງານພັກ ແຕ່ລະສະໄໝ ຕິດ ພັນກັບການຈັດຕັ້ງຜັນຂະຫຍາຍນິຕິກຳ ຂອງສູນກາງພັກ ເປັນແຜນງານ, ໂຄງການຈັດຕັ້ງປະຕິບັດ ຂອງອົງການ ບໍລິຫານລັດ; ຍົກສູງຄຸນນະພາບ ໃນການກະກຽມດ້ານ ເນື້ອໃນ ຫ້ແກ່ກອງປະຊຸມຄົບຄະນະບໍລິຫານງານພັກ ສະໄໝສາມັນ ແລະ ວິສາມັນ ເພື່ອຮັບປະກັນການປະຕິບັດ ພາລະບົດບາດຂອງ ຫ້ອງວ່າການ.
ພ້ອມນີ້, ທ່ານຫົວໜ້າຫ້ອງວ່າການແຂວງຈຳປາສັກ ຕາງໜ້າຄະນະຈັດຝຶກອົບຮົມ ກໍໄດ້ລາຍງານຜົນຂອງການຈັດຝຶກອົບຮົມດັ່ງກ່າວ ແລະ ໃນຕອນບ່າຍຂອງວັນດຽວກັນ ຄະນະຈັດຝືກອົບຮົມຍົກລະດັບຄຸນນະພາບການເປັນເສນາທິການ ຈາກຫ້ອງວ່າການສູນກາງພັກ ພ້ອມດ້ວຍຜູ້ຕາງໜ້າໃຫ້ຫ້ອງວ່າການ 5 ແຂວງ ຍັງໄດ້ລົງພົບປະ, ທັດສະນະຢ້ຽມຢາມ ບ້ານໜອງໄຮໂຄກ ທີ່ຂຶ້ນກັບກຸ່ມ 9 ເມືອງໂພນທອງ ທີ່ເປັນບ້ານພັດທະນາ ປະຊາຊົນຢູ່ດີກີນດີ ເພື່ອເປັນການຖອດຖອນບົດຮຽນ, ພ້ອມທັງໃຫ້ຄຳຄິດຄຳເຫັນໃນການສຶບຕໍ່ປະຕິບັດ ໃຫ້ດີຂຶ້ນກ່ວາເກົ່າ.
ຂ່າວ: ພູທິບສະຫວັນ
