ເມື່ອວັນທີ 16 ກໍລະກົດ 2023 ຜ່ານມາ ເດິ ຊັນ ສື່ທີ່ມີຊື່ສຽງໂດ່ງດັງຂອງອັງກິດ ເປີດເຜີຍຂໍ້ມູນຫຼ້າສຸດຂອງຜູ້ຈັດການທີມທີ່ໄດ້ຮັບຄ່າຈ້າງສູງທີ່ສຸດໃນໂລກ ເຊິ່ງ ສະຕີເວນ ເຈີຣາດ ຕໍານານນັກເຕະຂອງ ລິເວີພູລ ຂຶ້ນມາຕິດອັນດັບ 4 ແລ້ວ ຫຼັງຈາກທີ່ຍ້າຍໄປຮັບວຽກຄຸມທີມ ອັນ ອິດຕີຟາກ ທີມອັນດັບ 7 ຂອງລີກຂອງ ຊາອຸດິ ອາຣາເບຍ ລະດູການຫຼ້າສຸດ ດ້ວຍສັນຍາ 3 ປີ ຮັບຄ່າຈ້າງ 15,2 ລ້ານປອນຕໍ່ປີ.
ຢ່າງໃດກໍຕາມ, ສະຕີເວນ ເຈີຣາດ, ອະດີດຫົວໜ້າທີມລີເວີພູລ ຊຸດແຊັມ UEFA Champions League ລະດູການ 2004-05 ຫວ່າງງານນັບຕັ້ງແຕ່ຖືກ ແອສຕັນ ວິນລ່າ ທີມໃນພຣີເມຍລີກ ອັງກິດ ປົດອອກຈາກຕໍາແໜ່ງເມື່ອເດືອນຕຸລາປີກາຍນີ້. ກ່ອນທີ່ຈະຕັດສິນໃຈຍ້າຍໄປກອບໂກຍເງິນໃນລີກ ຊາອູດິ ກັບ ອັນ ອັດຕິຟາກ ທັງທີ່ເຄີຍໃຫ້ສໍາພາດວ່າປະຕິເສດທີ່ຈະຮັບວຽກນີ້ ເດືອນມິຖຸນາທີ່ຜ່ານມາ
ກ່ອນໜ້ານີ້ ສະຕີເວນ ເຈີຣາດ ໄດ້ຮັບຄ່າຈ້າງກັບ ແອສຕັນ ວິນລາ ປີລະ 5 ລ້ານປອນ ດັ່ງນັ້ນ ການຍ້າຍໄປຄຸມ ອັນ ອັດຕິຟາກ ເຮັດໃຫ້ເຂົາໄດ້ຮັບຊັບເພີ່ມຂຶ້ນຫຼາຍກວ່າ 3 ເທົ່າ.
10 ຜູ້ຈັດການທີ່ໄດ້ຮັບຄ່າຈ້າງສູງທີ່ສຸດໃນໂລກ
1. ດີເອໂກ ຊິມິໂອເນ (ແອດເລຕິໂກ ມາດຣິດ) 30 ລ້ານປອນ/ປີ
2. ເປບ ກວາດິໂອລາ (ແມນເຊັສເຕີ ຊິຕີ້) 20 ລ້ານປອນ/ປີ
3. ເຈີເກນ ຄລັອບ (ລີເວີພູລ) 16 ລ້ານປອນ/ປີ
4. ສະຕີເວນ ເຈີຣາດ (ອັນ ອັດຕິຟາກ) 15,2 ລ້ານປອນ/ປີ
5. ມັສຊິມິເລຍໂນ ອັນເລກຣີ (ຢູເວນຕຸສ) 11,3 ລ້ານປອນ/ປີ
6. ໂທມັສ ທູເຄິລ (ບາເຢິນ ມິວນິກ) 10,6 ລ້ານປອນ/ປີ
7. ເມົາຣິຊິໂອ ໂປເຊດຕິໂນ (ເຊວຊີ) 10,4 ລ້ານປອນ/ປີ
8. ຄາໂລ ອັນເຊລັອດຕິ (ຣິວ ມາດຣິດ) 9,6 ລ້ານປອນ/ປີ
9. ເອຣິກ ເທນ ຮາກ (ແມນເຊັສເຕີ ຢູໄນເຕັດ) 9 ລ້ານປອນ/ປີ
10. ຊິໂມເນ ອິນຊາກີ (ອິນເຕີ ມິລານ) 8,8 ລ້ານປອນ/ປີ
