ກອງປະຊຸມຄົບຄະນະກາງສະໄໝ ຂອງຄະນະບໍລິຫານງານພັກສູນກາງແນວລາວສ້າງຊາດ ສະໄໝທີ V ໄດ້ໄຂຂຶ້ນ ລະຫວ່າງວັນທີ 13-14 ກໍລະກົດ 2023 ທີ່ສູນກາງແນວລາວສ້າງຊາດ ໂດຍການເປັນປະທານຂອງສະຫາຍ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ເລຂາຄະນະພັກ ປະທານສູນກາງແນວລາວສ້າງຊາດ ມີບັນດາສະຫາຍຄະນະປະຈໍາພັກ ກໍາມະການພັກ ສນຊ ແລະ ມີຜູ້ຕາງໜ້າຈາກຄະນະຈັດຕັ້ງສູນກາງພັກ ຫ້ອງວ່າການສູນກາງພັກຕະຫຼອດຮອດຄະນະໜ່ວຍພັກອ້ອມຂ້າງ ສນຊ ເຂົ້າຮ່ວມ.
ກອງປະຊຸມໄດ້ຮັບຟັງ ແລະ ເຊື່ອມຊຶມນິຕິກໍາທີ່ກ່ຽວຂ້ອງຈໍານວນໜຶ່ງເປັນຕົ້ນ: ຄໍາສັ່ງເລກທີ 268/ຄລສພ ຜ່ານມາດຖານຄະນະບໍລິຫານງານພັກ ກະຊວງ-ອົງການ, ສິດ ແລະ ໜ້າທີ່ພ້ອມດ້ວຍຂໍ້ຫ້າມຂອງສະມາຊິກພັກ ຈາກນັ້ນ ກອງປະຊຸມໄດ້ຮັບຟັງບົດສະຫຼຸບການຕີລາຄາການຈັດຕັ້ງປະຕິບັດແຜນພັດທະນາອົງການແນວລາວສ້າງຊາດ-ທິດທາງທ້າຍສະໄໝ ແລະ ການປະຕິບັດ 2 ວາລະແຫ່ງຊາດ ໂດຍສະເພາະຂົງເຂດແນວລາວສ້າງຊາດ; ກອງປະຊຸມໄດ້ທາບທາມຄວາມເຫັນໄວ້ວາງໃຈຕໍ່ການນໍາພາລວມ ແລະ ສະເພາະຄະນະບໍລິຫານງານພັກ ສນຊ ກອງປະຊຸມຍັງຈະໄດ້ຜ່ານບົດສໍາຫຼວດການນໍາພາລວມ ແລະ ຄະນະບໍລິຫານງານພັກ; ຜູ້ເຂົ້າຮ່ວມໄດ້ພ້ອມກັນປະກອບຄໍາເຫັນຕໍ່ບັນດາເນື້ອໃນບົດສະຫຼຸບ ແລະ ການນໍາພາເຄິ່ງສະໄໝຜ່ານມາແນໃສ່ໃຫ້ມີິການ ເສີມຂະຫຍາຍດ້ານດີ ແລະ ປັບປຸງດ້ານອ່ອນ-ຄົງຄ້າງ ເພື່ອພ້ອມກັນສ້າງພັກໃຫ້ປອດໃສເຂັ້ມແຂງ ແລະ ໜັກແໜ້ນ.
ໃນໂອກາດ ທີ່ມີຄວາມໝາຍສໍາຄັນນີ້ ກອງປະຊຸມຍັງຈະໄດ້ຮັບຟັງຄໍາເຫັນໂອ້ລົມຂອງກໍາມະການກົມການເມືອງສູນກາງພັກຕື່ມອີກ.
