ຕາມຂ່າວຈາກວິທະຍຸສາກົນຫວຽດນາມ ຫົວຂໍ້ຂອງບົດຂຽນຕີລາຄາ ກ່ຽວກັບການທ່ອງທ່ຽວຫວຽດນາມ ທີ່ໄດ້ເອົາລົງໃນໜັງສືພິມ Deutch Welle ເຢຍລະມັນ ແລະ ບາງອົງການສື່ມວນຊົນໃນພາກພື້ນອາຊີຕາເວັນອອກສ່ຽງໃຕ້ ເມື່ອບໍ່ດົນມານີ້ ໄດ້ຄັດສະເໜີ ໂດຍຜູ້ຂຽນ Tommy Walker ໃຫ້ຮູ້ວ່າ: ບົດລາຍງານຂອງ Google Destination Insights ໄດ້ຕີລາຄາ ສສ ຫວຽດນາມ ແມ່ນສະຖານທີ່ທ່ອງທ່ຽວ ໄດ້ຮັບການຊອກຫາຫລາຍອັນດັບທີ 7 ໃນໄລຍະ ເວລາ ແຕ່ເດືອນມີນາ ຫາເດືອນ ມິຖຸນາ ແລະ ແມ່ນປະເທດໜຶ່ງດຽວຢູ່ອາຊີຕາເວັນອອກສ່ຽງໃຕ້ ເຂົ້າໃນ Top20. ຄວາມຊື່ສຽງຂອງ ຫວຽດ ນາມ ໄດ້ສະແດງ ໃຫ້ເຫັນ ຜ່ານຈຳນວນ ແຂກທ່ອງທ່ຽວ ສາກົນມາ ສສ ຫວຽດນາມ ໃນ 6 ເດືອນຕົ້ນປີ 2023 ເຊິ່ງບັນລຸ ກ່ວາ 5,5 ລ້ານເທື່ອຄົນ, ຕົນເລກນີ້ ກໍ່ລື່ນກາຍ ຍອດຈຳນວນ ແຂກທ່ອງທ່ຽວ ສາກົນ ມາຫວຽດນາມ ໃນທົ່ວປີ 2022. ບົດຂຽນ ກໍ່ຖືວ່າ ບັນດານະໂຍບາຍ ວີຊາໃໝ່ ຕໍ່ແຂກ ທ່ອງທ່ຽວ ສາກົນ ຈະຊຸກຍູ້ ຂະແໜງ ການທ່ອງທ່ຽວ ຫວຽດນາມ ພັດທະນາຂຶ້ນ ຢ່າງຕໍ່ເນື່ອງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
