ຂ່າວສານຊີອາໄອລາຍງານ ໃນວັນທີ 5 ກໍລະກົດ ຜ່ານມາ, ສະຫະພັນການຈໍລະຈອນສິນຄ້າ ແລະ ການຈັດຊື້ຈີນໄດ້ປະກາດໂຕເລກດັດຊະນີການຈໍລະຈອນສິນຄ້າດ້ານການຄ້າເອເລັກໂຕຣນິກຂອງຈີນໃນເດືອນມິຖຸນາຜ່ານມາຄື: 110,6 ຈຸດ, ເພີ່ມຂຶ້ນ 1,1 ຈຸດ ເມື່ອທຽບກັບເດືອນພຶດສະພາ. ພາຍໃຕ້ການບໍລິໂພກຂອງຈີນຟື້ນຟູຂຶ້ນ, ການຈໍລະຈອນສິນຄ້າດ້ານການຄ້າເອເລັກໂຕຣນິກກໍເພີ່ມຫຼາຍຂຶ້ນຢ່າງບໍ່ຢຸດຢັ້ງ ໂດຍສະເພາະແມ່ນການຈໍລະຈອນສິນຄ້າດ້ານການຄ້າເອເລັກໂຕຣນິກຢູ່ເຂດຊົນນະບົດຈີນໄດ້ເພີ່ມຫຼາຍຂຶ້ນຢ່າງເດັ່ນຊັດ.
ແຫ່ງຕ່າງໆຂອງຈີນໄດ້ຈັດກິດຈະກຳເພື່ອຊຸກຍູ້ການບໍລິໂພກ ແລະ ລະດົມໃຫ້ປະຊາຊົນບໍລິໂພກຜ່ານທາງອິນເຕີເນັດ, ການຊຸກຍູ້ກຳລັງແຮງບົ່ມຊ້ອນທາງອອນລາຍ ແລະ ອອຟລາຍ ໄດ້ຮັບການສົ່ງເສີມຢ່າງມີປະສິດທິຜົນ. ໂຕເລກເວທີການຄ້າເອເລັກໂຕຣນິກຕົ້ນຕໍສະແດງໃຫ້ເຫັນວ່າ: ໃນເດືອນມິຖຸນາຜ່ານມາ, ການຈຳໜ່າຍອາຫານ, ຜະລິດຕະພັນທີ່ໃຊ້ເຂົ້າໃນກິດຈະກຳກາງແຈ້ງ ແລະ ເຄື່ອງຫຼິ້ນກິລາແມ່ນເພີ່ມຂຶ້ນຢ່າງວ່ອງໄວ.
