ສະຫະພັນກິລາບານເຕະສາກົນ ຫຼື ຟີຟາ ໄດ້ອອກໃບອະນຸຍາດໃຫ້ກັບ ຄະນະກຳມະການຕັດສິນ ແລະ ຜູ້ຊ່ວຍຜູ້ຕັດສິນຂອງວີລີກ ຈຳນວນ 18 ຄົນ ໃນການໃຊ້ງານເຕັກໂນໂລຊີ ຊ່ວຍຕັດສິນ ຫຼື VAR ເປັນຄັ້ງທຳອິດ ໃນການແຂ່ງຂັນເຕະບານລີກສູງສຸດຂອງປະເທດຫວຽດນາມ ຫຼື ວີລີກ
ທັງນີ້ ຜູ້ຊ່ຽວຊານຂອງຟີຟາ ໄດ້ຮັບຮອງການຝຶກອົບຮົມຂັ້ນຕອນສຸດທ້າຍ ແລະ ກວດສວບອຸປະກອນການເຮັດວຽກທັງໝົດຂອງ VAR ຈຶ່ງປະເມີນແລ້ວວ່າທຸກຢ່າງເປັນໄປຕາມມາດຕະຖານທາງເຕັກນິກ.
ໃນເກມທຳອິດທີ່ໃຊ້ເຕັກໂນໂລຊີ VAR ຟີຟາ ຈະສົ່ງຜູ້ຊ່ຽວຊານດ້ານການຕັດສິນ VAR ໄປຊ່ວຍເພື່ອເບິ່ງແຍງ ແລະ ສະໜັບສະໜູນການດຳເນີນການ VAR ຂອງ ຫວຽດນາມ ຈະຖືກຕິດຕາມໂດຍ FIFA ເປັນເວລາ 3 ປີ.
ໂດຍຄາດການກັນວ່າ VAR ຈະນຳມາໃຊ້ກັບການແຂ່ງຂັນເຕະບານ ວີລີກ ຫວຽດນາມ ລະດູການ 2023 ຮອບຊີງຊະນະເລີດນີ້ເລີຍ ຊຶ່ງນີ້ຈະໄວກວ່າແຜນການເກົ່າທີ່ຄາດວ່າຈະເລີ່ມນຳໃຊ້ຢ່າງເປັນທາງການນັບແຕ່ລະດູການ 2024 ເປັນຕົ້ນໄປ.
ຮຽບຮຽງໂດຍ: ພອນເພັດ ບຸນຄ້ຳ
