ເວເນຊູເອລາ ເປັນປະເທດທີ່ມີທັດສະນີຍະພາບທີ່ສວຍງາມ ແລະ ສະຖານທີ່ທ່ອງທ່ຽວທີ່ໜ້າປະທັບໃຈ ຕັ້ງແຕ່ຫາດຊາຍໄປຈົນເຖິງຍອດພູແອນດີສ ພູອັນດາມັນທີ່ມີທັດສະນີຍະພາບທີ່ສວຍງາມ ແລະ ຕົວເມືອງທີ່ເຕັມໄປດ້ວຍສີສັນ ແລະ ມີຊີວິດຊີວາ ລວມເຖິງນ້ຳຕົກໃນຫວ່າງພູດ້ານເທິງແຄມຝັ່ງທະເລ ແລະ ເກາະນອກແຄມຝັ່ງທີ່ສວຍງາມ ເຮັດໃຫ້ພູແອນດີສ ມີທັດສະນີຍະພາບທີ່ງົດງາມ ແລະ ຄວາມມີຊີວິດຊີວາຂອງເມືອງໂອຣິໂນໂຄ ເດວຕາ (Orinoco Delta) ລວມເຖິງນະຄອນຫຼວງກາຣາກັສ ຊຶ່ງເປັນເມືອງຫຼວງ ແລະ ເປັນເມືອງທີ່ໃຫຍ່ທີ່ສຸດໃນປະເທດ ມີສະຖານທີ່ທ່ອງທ່ຽວທາງດ້ານການພະຈົນໄພ, ສະຖານທີ່ທາງວັດທະນະທຳ ແລະ ສະຖານທີ່ທ່ອງທ່ຽວທີ່ສວຍງາມໄດ້ແກ່:
ນ້ຳຕົກແອງເຈິນ ຊຶ່ງຢູ່ໃຈກາງຂອງປະເທດທີ່ມີພູສູງຊັນເຊັ່ນເສົາຫີນຂະໜາດໃຫຍ່ຈາກທັດສະນີຍະພາບໂດຍອ້ອມຮອບຄື: ແອງເຈິນຟອສ ອັນງົດງາມ ນ້ຳຕົກທີ່ຕົກລົງ 979 ແມັດ ເປັນນ້ຳຕົກທີ່ສູງທີ່ສຸດໃນໂລກ ແລະ ເປັນຈຸດເດັ່ນຂອງທະວີບອາເມຣິກາໃຕ້ ບໍລິເວນອ້ອມຮອບນ້ຳຕົກທີ່ສວຍງາມແຫ່ງນີ້ມີອຸທິຍານແຫ່ງຊາດຄານາອິມາ ທີ່ມີທິວທັດທີ່ສວຍງາມເຊັ່ນດຽວກັນ ຊຶ່ງເວລາທີ່ດີທີ່ສຸດໃນການທ່ຽວຊົມນ້ຳຕົກຄື ໄລຍະລະດູຝົນໃນລະຫວ່າງເດືອນພຶດສະພາເຖິງເດືອນພະຈິກ. ໃນໄລຍະລະດູແລ້ງນ້ຳຕົກອາດຈະໜ້ອຍກວ່າ ແລະ ຜູ້ເຂົ້າໄປຢ້ຽມຢາມອາດຈະຕ້ອງການກວດສອບລ່ວງໜ້າ ເພື່ອເບິ່ງວ່າມີນ້ຳພຽງພໍທີ່ຈະເຮັດໃຫ້ເກີດການເດີນທາງທີ່ຄຸ້ມຄ່າ ຫຼື ບໍ່. ການເດີນທາງໄປນ້ຳຕົກສ່ວນຫຼາຍແມ່ນເດີນທາງດ້ວຍຖ້ຽວບິນທີ່ທ່ຽວຊົມສະຖານທີ່ ຫຼື ການເດີນທາງດ້ວຍເຮືອ ການເດີນທາງໂດຍທາງເຮືອແມ່ນລວມເຖິງການເດີນທາງຜ່ານປ່າໄປຍັງຖານຂອງນ້ຳຕົກບໍ່ແມ່ນການທ່ອງທ່ຽວທີ່ຫຼູຫຼາ ໂດຍມີບ່ອນພັກອາໄສຂັ້ນພື້ນຖານຕາມເສັ້ນທາງ ການເດີນທາງໂດຍເຮືອອາດຈະບໍ່ສາມາດໄປໄດ້ໃນໄລຍະລະດູແລ້ງ ເນື່ອງຈາກລະດັບນ້ຳໃນແມ່ນ້ຳຕ່ຳ.
ໝູ່ເກາະ Los Roques (Archipielago Los Roques) ຊຶ່ງເປັນຫາດຊາຍທີ່ເຕັມໄປດ້ວຍແສງແດດນ້ຳທະເລແນວປະກາລັງ ແລະ ການພັດທະນາທີ່ບໍ່ສັບຊ້ອນ ໂດຍບໍ່ມີຕຶກໂຮງແຮມສູງໆ ເປັນສິ່ງທີ່ດຶງດູດນັກທ່ອງທ່ຽວໃຫ້ເຂົ້າມາຢ້ຽມຊົມຫຼາຍຂຶ້ນ ເກາະທີ່ສວຍງາມແຫ່ງນີ້ຫ່າງຈາກແຄມຝັ່ງທາງພາກກາງຂອງເວເນຊູເອລາ 160 ກິໂລແມັດ ໝູ່ເກາະນີ້ຄືອຸທິຍານແຫ່ງຊາດ Los Roques ນີ້ຄືສະຖານທີ່ໆຜູ້ຄົນຫຼົບໜີຈາກຖະໜົນຫົນທາງທີ່ວຸ້ນວາຍ ຣີສອດຂະໜາດໃຫຍ່ ແລະ ຈຳນວນນັກທ່ອງທ່ຽວຈຳນວນຫຼາຍມາພັກຜ່ອນຢ່ອນໃຈ ໝູ່ບ້ານຊາວປະມົງແຄມທະເລຂະໜາດນ້ອຍຂອງ Gran Roque ເທິງເກາະທີ່ມີຊື່ດຽວກັນຄືສະຖານທີ່ຕັ້ງຂອງບ້ານຊັ້ນດຽວທີ່ທາສີດ້ວຍສີສັນສົດໃສໃນເວເນຊູເອລາ ຕຶກອາຄານຕ່າງໆຢູ່ຫ່າງອອກໄປຕາມແຄມຫາດ ຊຶ່ງເບິ່ງຄືຈະຍັງຄົງຢູ່ຕະຫຼອດໄປ ໜຶ່ງໃນຈຸດເດັ່ນສຳລັບຜູ້ເຂົ້າໄປຢ້ຽມຊົມຈຳນວນຫຼາຍແມ່ນເປັນເກາະນ້ອຍໆຂອງ Cayo de Agua ເດີນທາງໂດຍເຮືອ ເປັນຊາຍຫາດທີ່ສວຍງາມທີ່ສຸດແຫ່ງໜຶ່ງຂອງເວເນຊູເອລາ ມີນ້ຳທະເລສີຄາມທີ່ຕື້ນເໝາະສຳລັບການລອຍນ້ຳ ແລະ ດຳນ້ຳເບິ່ງປະກາລັງ.
Orinoco Delta ທີ່ປາກແມ່ນໍ້າໂອຣິສຕິໂນ ໃນພາກຕາເວັນອອກສ່ຽງເໜືອຂອງເວເນຊູເອລາມີທິວທັດທຳມະຊາດທີ່ແຕກຕ່າງກັນ ແລະ ພົບກັບປະສົບການໃໝ່ໆ ແມ່ນ້ຳເດວຕ້າ ເປັນສະຖານທີ່ຕັ້ງຂອງສັດປ່າທີ່ໜ້າສົນໃຈທຸກຊະນິດຕັ້ງແຕ່ລິງ ແລະ ນົກຣາສ ໄປຈົນເຖິງປີຣັນຢ່າ ຣິເວີໄຊລໍອ (Piranha Riverside Loge) ຊຶ່ງນັກທ່ອງທ່ຽວສາມາດຂີ່ເຮືອເພື່ອທ່ຽວຊົມສັດປ່າ ແລະ ຢ້ຽມຊົມ ໄນຊາຟາຣີ (Night Safari) ສ່ວນຫ້ອງພັກມີລາຄາທີ່ແຕກຕ່າງກັນ ດັ່ງນັ້ນ, ຈຶ່ງເປັນການດຶງດູດນັກທ່ອງທ່ຽວໄດ້ດີທີ່ສຸດແຫ່ງໜຶ່ງຂອງເວເນຊູເອລາ.
ອຸທິຍານແຫ່ງຊາດ Los Medanos de Coro ເປັນສະຖານທ່ອງທ່ຽວທີ່ໜ້າຕື່ນຕາຕື່ນໃຈ ໂດຍມີເນີນຊາຍກິ້ງຕາມແບບສະບັບຂອງທະເລຊາຍ ເນີນຊາຍທີ່ຮູ້ຈັກກັນໃນທ້ອງຖິ່ນເປັນ Medanos ແຜ່ຂ້າມແນວນອນດ້ວຍເສັ້ນໂຄ້ງບິດ ແລະ ໂຄ້ງ, ເນີນຊາຍບາງແຫ່ງສູງເຖິງ 40 ແມັດ ກະຈາຍຢູ່ໃນເນີນພູເປັນທະເລສາບທີ່ເກີດຈາກນ້ຳຖ້ວມຫຼາຍສິບປີ ອຸທິຍານແຫ່ງນີ້ເປັນສະຖານທີ່ໆເໝາະໃນການຍ່າງຫຼິ້ນອ້ອມຮອບເນີນຊາຍເພື່ອຖ່າຍຮູບ ແລະ ຊື່ນຊົມຄວາມຫຼາກຫຼາຍຂອງພູມສາດປະເທດທີ່ເຮັດໃຫ້ເວເນຊູເອລາເປັນເອກະລັກ.
Mochima National Park ອຸທິຍານແຫ່ງນີ້ຄວບຄຸມບໍລິເວນແຄມຝັ່ງ ແລະ ແຄມຝັ່ງທະເລນອກຊາຍຝັ່ງຂອງ Puerto La Cruz ໄປຍັງ Cumana ສະຖານທີ່ທ່ອງທ່ຽວຫຼັກໆນີ້ຄືແຄມຫາດ ແລະ ແຫຼ່ງດຳນ້ຳ ເກາະນີ້ສາມາດເຂົ້າເຖິງໄດ້ໂດຍເຮືອຈາກເມືອງ Puerto La Cruz, Sanata Fe ແລະ Mochima ນອກຈາກນີ້, ຍັງສາມາດສຳຫຼວດສ່ວນທີ່ເປັນແຜ່ນດິນໃຫຍ່ຂອງສວນໄດ້ໂດຍລົດສ່ວນຕົວ ຫຼື ລົດໂດຍສານປະຈຳທາງ ແລະ ອ່າວລຽງລາຍແຄມທະເລທາງຫຼວງໝາຍເລກ 9 ແຕ່ສະຖານທີ່ແຫ່ງນີ້ເປັນສະຖານທີ່ສຳລັບພາຍເຮືອ ພື້ນທີ່ອ້ອມໆສວນສາທາລະນະງຽບ ແລະ ບໍ່ເຫັນປະລິມານການຈະລາຈອນເກືອບເທົ່າກັບ Morrocoy ນີ້ເປັນທາງເລືອກທີ່ດີສຳລັບຜູ້ທີ່ຢູ່ໃນພື້ນທີ່ນີ້ ຫຼື ມຸ່ງໜ້າອອກໄປທີ່ຄາບມະຫາສະໝຸດ Paria.
ຮຽບຮຽງໂດຍ: ວິໄລພອນ ເພັດໄພບູນ
