ຕາມຂ່າວຈາກວິທະຍຸສາກົນຫວຽດນາມ, ອຳນາດການປົກຄອງນະຄອນຫລວງພະນົມເປັນ ຂອງກຳປູເຈຍ ໄດ້ຫ້າມການສັນຈອນໄປມາໃນບາງເສັ້ນທາງເພື່ອໃຫ້ບັນດາພັກດຳເນີນການໂຮມຊຸມນຸມມິດຕິງ ແລະ ແຫ່ຂະບວນໃນຂອບເຂດບັ້ນຂົນຂວາຍຫາສຽງເລືອກຕັ້ງທົ່ວປະເທດ ເປັນເວລາ 3 ອາທິດ, ນັບແຕ່ວັນທີ 1– 21 ກໍລະກົດນີ້ ຫລັງຈາກຈັດການໂຮມ ຊຸມນຸມມິດຕິງຢູ່ຫໍປະຊຸມ ແລະ ງານວາງສະແດງ Koh Pich ເພື່ອແນໃສ່ ສະເຫລີມສະຫລອງວັນສ້າງຕັ້ງພັກ ຄົບຮອບ 72 ປີ ຫລັງຈາກນັ້ນແຫ່ຂະບວນ ຂົນຂວາຍ ການຫາສຽງ ເລືອກຕັ້ງ ດ້ວຍການ ເຂົ້າຮ່ວມ ຫລາຍກວ່າ 76.500 ຄົນ. ຂະນະທີ່ ອົງການ ພັກຮາກຖານ 14 ເມືອງ ຂອງ CPP ກໍ່ໄດ້ ຈັດກິດຈະກຳ ແຫ່ຂະບວນ ຂົນຂວາຍ ການຫາສຽງ ເລືອກຕັ້ງ ຢູ່ເມືອງຕ່າງໆ ໃນບໍລິເວນ ພະນົມເປັນ. ບັນດາພັກ ຂະແມ ສາມັກຄີ ແຫ່ງຊາດ (KNUP), ຂະແມພົ້ນທຸກ (KAPP) ແລະ ຂະແມ ປອງດອງ (KUP) ໄດ້ຈັດການ ໂຮມຊຸມນຸມ ມິດຕິງ ແລະ ດຳເນີນການ ແຫ່ຂະບວນ ໃນເສັ້ນທາງ ສາຍຕ່າງໆ ຢູ່ນະຄອນຫລວງ ພະນົມເປັນ ເຊັ່ນດຽວ ກັນ.ຂະນະທີ່ ກຳລັງ ເຈົ້າໜ້າທີ່ ຕຳຫລວດນະຄອນ ຈັດສົ່ງກຳລັງ ລົງເຄື່ອນໄຫວ ຫລາຍກວ່າ 4.000 ຄົນ ເພື່ອຮັບປະກັນ ຄວາມສະຫງົບ ປອດໄພ, ຄວາມເປັນ ລະບຽບ ຮຽບຮ້ອຍ ໃນໄລຍະດຳເນີນ ບັ້ນຂົນຂວາຍ ຫາສຽງ ເລືອກຕັ້ງຢູ່ ນະຄອນຫວງ ພະນົມເປັນ ຢ່າງເຂັ້ມແຂງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
