ຕາມຂ່າວຈາກວິທະຍຸສາກົນ ແຫ່ງ ສປ ຈີນ ເມື່ອບໍ່ດົນມານີ້ທະນາຄານປະຊາຊົນຈີນ ໄດ້ເປີດເຜີຍຕົວເລກສະຖິຕິການຊຳລະເງິນໃນໄຕມາດທຳອິດປີນີ້ລະບົບຊຳລະເງິນ ຂອງ ສປ ຈີນ ໄດ້ດຳເນີນງານຢ່າງໝັ້ນທ່ຽງ, ຈຳນວນບັນຊີທະນາຄານ, ປະລິມານໜ້າວຽກດ້ານການຊຳລະເງິນທີ່ບໍ່ແມ່ນເງິນສົດ ແລະ ປະລິມານໜ້າວຽກຂອງລະບົບຊຳລະເງິນເປັນຕົ້ນ ໄດ້ເພີ່ມຂຶ້ນ ໂດຍລວມ. ໃນທະນາຄານທົ່ວປະເທດລວມແລ້ວ ໄດ້ຮັບຊຳລະເງິນທີ່ບໍ່ແມ່ນເງິນສົດທັງໝົດ 114.587 ຕື້ງວດ ມີມູນຄ່າ 1.277.530 ຕື້ຢວນ ເພີ່ມຂຶ້ນ 18,46% ແລະ 11,1% ຕາມລຳດັບ. ຂະນະທີ່ທະນາຄານທົ່ວປະເທດ ໄດ້ຮັບຊຳລະເງິນ ຜ່ານທາງເອເລັກໂຕຣນິກ ທັງໝົດ 67,584 ຕື້ງວດ ມີມູນຄ່າ 831.820 ຕື້ຢວນ ເພີ່ມຂຶ້ນ 6,83% ແລະ 12,44% ຕາມລຳດັບ. ລະບົບ ຊຳລະເງິນຢວນ ຂ້າມຊາດ ໄດ້ຮັບຊຳລະ ເງິນທັງໝົດ 1.372.000 ງວດ ມີມູນຄ່າ 25.170 ຕື້ຢວນ ເພີ່ມຂຶ້ນ 62,5% ແລະ 12,63% ຕາມລຳດັບ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
