ຕາມຂ່າວຈາກວິທະຍຸສາກົນຫວຽດນາມ ເນື່ອງໃນໂອກາດວັນລີ້ໄພສາກົນ ໃນວັນທີ 20 ມິຖຸນານີ້, ທ່ານ ຟີລິບໂບ ເກຣນດີ(Filippo Grandi) ຜູ້ນຳ ອົງການ ຂ້າຫລວງໃຫຍ່ ສະຫະ ປະຊາຊາດ (ສປຊ) ຮັບຜິດຊອບ ວຽກງານ ຊາວລີ້ໄພ ໃຫ້ຮູ້ວ່າ: ມີຊາວລີ້ໄພ ຫລາຍກວ່າ 500.000 ຄົນ ເດີນທາງ ອອກຈາກ ຊູດັງ ໄປຊອກຫາ ບ່ອນ ອາໄສຢູ່ ບັນດາ ປະເທດ ບ້ານໃກ້ ເຮືອນຄຽງ ນັບແຕ່ ເກີດການປະທະກັນ ໃນກາງເດືອນເມສາ ແລະ ເຮັດໃຫ້ ປະຊາຊົນ ປະມານ 2 ລ້ານຄົນ ຈຳເປັນຕ້ອງ ຍົກຍ້າຍ ໄປຢູ່ເຂດປອດໄພ ພາຍໃນປະເທດ ພາຍຫລັງ ການປະທະກັນ ລະຫວ່າງ ກຳລັງ ປະກອບ ອາວຸດ ຊູດັງ (SAF) ແລະ ກຸ່ມເຄິ່ງ ການທະຫານ ບັນດາ ກຳລັງ ປະຕິກິລິຍາໄວ (RSF) ທີ່ເປັນ ປໍລະປັກກັນ ໄດ້ເຮັດໃຫ້ມີ ຜູ້ເສຍຊີວິດ ຫລາຍກວ່າ 2.000 ຄົນ ແລະ 2,5 ລ້ານຄົນ ຕ້ອງປະຖິ້ມ ເຮືອນຊານ ໄປລີ້ໄພ ແລະ ເປັນເຫດຜົນພາ ໄປເຖິງເກີດ ວິກິດການ ດ້ານມະນຸດ ສະທຳ ເປັນວົງກວ້າງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
