ຂ່າວສານຊີອາໄອລາຍງານ ຫວ່າງມໍ່ໆມານີ້, ທ່ານ ແອມມານູເອນ ມາຄຣົງ ປະທານາທິບໍດີຝຣັ່ງກ່າວວ່າ: ເພື່ອຫຼຸດການລະບາຍກາກບອນຂອງຂະແໜງການການບິນໃຫ້ໜ້ອຍລົງ, ຝຣັ່ງຈະລົງທຶນມູນຄ່າ 200 ລ້ານເອີໂຣ ເຂົ້າໃນການຊຸກຍູ້ການຜະລິດວັດຖຸເຊື້ອໄຟດ້ານການບິນແບບຍືນຍົງ ໂດຍຄາດວ່າ ການລົງທຶນງວດນີ້ຈະສາມາດສ້າງວຽກເຮັດງານທຳໄດ້ໂດຍກົງປະມານ 700 ຕຳແໜ່ງ.
ຂະແໜງການການບິນຖືເປັນໜຶ່ງໃນຂະແໜງການທີ່ບັນລຸການຫຼຸດການລະບາຍກາກບອນໄດ້ຍາກທີ່ສຸດ. ໃນປີ 2021, ຂະແໜງການການບິນສາກົນເຄີຍວາງເປົ້າໝາຍທີ່ຈະບັນລຸການປອດການລະບາຍກາກບອນໃນປີ 2050, ວິທີຕົ້ນຕໍແມ່ນນຳໃຊ້ວັດຖຸເຊື້ອໄຟດ້ານການບິນແບບຍືນຍົງຢ່າງກວ້າງຂວາງ ແຕ່ນັບມາຮອດປັດຈຸບັນ, ວັດຖຸເຊື້ອໄຟແບບຍືນຍົງກວມພຽງແຕ່ 0,1% ເທົ່ານັ້ນຂອງຍອດປະລິມານການນຳໃຊ້ວັດຖຸເຊື້ອໄຟດ້ານການບິນ.
