ສ.ອາເມລິກາ ມີແຜນຈະກັບເຂົ້າເປັນ ສະມາຊິກຢູເນສໂກ ອີກຄັ້ງ

ສຳນັກຂ່າວຕ່າງປະເທດ ລາຍງານຈາກນະຄອນຫລວງປາຣີ ປະເທດຝຣັ່ງ ເມື່ອວັນທີ 13 ມິຖຸນາວ່າ: ອົງການສຶກສາ ວິທະຍາສາດ ແລະ ວັດທະນະທຳ ແຫ່ງສະຫະປະຊາຊາດ (ຢູເນສໂກ) ອອກຖະແຫລງການ ວ່າ: ສ.ອາເມລິກາ ມີແຜນຈະກັບເຂົ້າມາເປັນ ສະມາຊິກ ຂອງຢູເນສໂກ ໃນເດືອນກໍລະກົດ ທີ່ຈະມາເຖິງນີ້. ທ່ານ ຣິຊາດ ເວີຣມາ ລັດຖະມົນຕີ ກະຊວງການຕ່າງປະເທດ ຂອງ ສ.ອາເມລິກາ ຝ່າຍການ ບໍລິຫານຄຸ້ມຄອງ ແລະ ຊັບພະຍາກອນ ໄດ້ສົ່ງໜັງສື ເຖິງທ່ານ ນາງ ອໍເດຍຣ ອາຊູເລຍ ຜູ້ອຳນວຍການ ຢູເນສໂກ ວ່າ: ລັດຖະບານ ສ.ອາເມລິກາ ສະແດງຄວາມຊົມເຊີຍ ແລະ ຂອບໃຈ ທີ່ ຢູເນສໂກ ພາຍໃຕ້ ການບໍລິຫານ ຂອງ ອາຊູເລຍ ມີຄວາມກ້າວໜ້າ ໃນຫລາຍເລື່ອງ ລວມເຖິງ ການດຳເນີນການ ເພື່ອຫລຸດຜ່ອນ ບັນຫາການເມືອງ ຢູ່ໃນອົງການນີ້.