ຄວາມກົດດັນຕໍ່າຂອງອາກາດຮ້ອນຍັງປົກຄຸມຢຸ່ທົ່ວທຸກພາກຂອງປະເທດລາວ ດ້ວຍກໍາລັງແຮງ, ສົມທົບກັບກະແສລົມຕາເວັນຕົກສ່ຽງໃຕ້ພັດປົກຄຸມ ຊຶ່ງຈະເຮັດໃຫ້ອາກາດຮ້ອນ ແລະ ຈະມີຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍຢຸ່ໃນແຕ່ລະພາກ ແລະ ຕົກປານກາງ ຫາ ຕົກໜັກ ພ້ອມມີລົມພັດແຮງເປັນບາງໂອກາດຢຸ່ບາງທ້ອງຖິ່ນແຂວງພາກກາງ ແລະ ພາກໃຕ້.
ລາຍງານຂໍູ້ມນອຸຕຸກະເສດສໍາລັບເຂົ້ານາແຊງ ແລະ ພືດຜັກ ປະຈໍາວັນທີ 12-18 ມິຖຸນາ 2023, ໃນໄລຍະໜຶ່ງອາທິດຂ້າງໜ້າແມ່ນມີຄວາມສ່ຽງຝົນຕົກໜັກໃນເຂດເມືອງຄົງເຊໂດນ ແຂວງສາລະວັນ. ສໍາລັບເຂົ້ານາປີ ແມ່ນຢູ່ໃນໄລຍະຈະເລີນເຕີບໂຕຂອງຕົ້ນກ້າ. ສະເພາະເຂົ້ານາປີ ນໍ້າຝົນລະດຸການນີ້ ແມ່ນມີຄວາມອ່ອນໄຫວຕໍ່ດັດສະນີສັດຕູພືດ, ດັ່ງນັ້ນ ກະສິກອນຄວນ ເອົາໃຈໃສ່ຕໍ່ໄພພິບັດຄວາມສ່ຽງລະດັບກາງ ແລະ ໃນໜຶ່ງອາທິດຂ້າງໜ້າ ໃຫ້ປະຊາຊົນເອົາໃຈໃສ່ຕິດຕາມກວດກາ ແລະ ເຝົ້າລະວັງນໍາໃຊ້ມາດຕະການຄວບຄຸມທີ່ເໜາະສົມ ສໍາລັບພະຍາດເພັຍແປ້ງມັນຕົ້ນທີ່ມີຄວາມສ່ຽງສູງ. ຖ້າຈໍາເປັນໃຊ້ຢາປາບສັດຕຸພືດຢ່າງຖືກຕ້ອງ ແລະ ໄດ້ຮັບອະນຸຍາດເພື່ອຄວບຄຸມສັດຕູພືດ ແລະ ພ້ອມ ທັງເສຍຫຍ້າເປັນປະຈໍາ.
