ການແຂ່ງຂັນ ເທັນນິດ ແກຣນສະແລມທີ 2 ຂອງປີ ລາຍການ ເຟຣນ ໂອເພັນ 2023 ຊີງເງິນລາງວັນລວມ 49.600.000 ເອີໂຣ ທີ່ໂຣລັອງ ກາຣອດ ນະຄອນຫຼວງປາຣີດ ປະເທດຝຣັ່ງ ເມື່ອວັນທີ 8 ມິຖຸນາ 2023 ເປັນການແຂ່ງຂັນໃນຮອບຮອງຊະນະເລີດ ປະເພດຍິງດ່ຽວ ອາຣີນາ ຊາບາເລນກາ ມືອັນດັບ 2 ຂອງໂລກ ຈາກເບລາຣຸດ ພົບກັບ ຄາໂຣລິນາ ມູໂຊວາ ມືອັນດັບ 43 ຂອງໂລກ ຈາກສາທາລະນະລັດ ເຊັກ. ໂດຍເຊັດທຳອິດເປັນ ຄາໂຣລິນາ ມູໂຊວາ ຫຼິ້ໄດ້ດີກວ່າປິດເຊັດໄປໄດ້ກ່ອນໃນສະກໍ 7-5 ຂຶ້ນນຳ 1-0 ເກມ. ສ່ວນເຊັດທີສອງເປັນ ອາຣີນາ ຊາບເລນກາ ທີ່ຫຼິ້ນໄດ້ດີກວ່າເອົາຊະນະໄປໄດ້ສະກໍ 7-5 ສະເໝີກັນຢູ່ 1-1 ເຊັດ ແລະ ເຊັດຕັດສິນຮູບເກມສຸດມ່ວນ ໂດຍຕ່າງຝ່າຍຫຼິ້ນດີ ຊີງຈັງຫວະຕະຫຼອດເວລາ ແຕ່ໃນຊ່ວງທ້າຍເຊັດຕັດສິນ ມູໂຊວາ ມາເບຣກເກມເສີບໃນເກມສຳຄັນຈາກ ຊາບາເລນກາ ໄດ້ໃນເກມທີ່ 11 ແລ້ວກັບມາເສີບໃນເກມຕໍ່ມາ ແລະ ປິດເຊັດໄປໄດ້ຢ່າງສວຍງາມດ້ວຍສະກໍ 7-5 ເຮັດໃຫ້ເອົາຊະນະໄປໄດ້ 3-1 ເຊັດ.
ຈາກໄຊຊະໃນນັດນີ້ ເຮັດໃຫ້ ຄາໂຣລິນາ ມູໂຊວາ ຜ່ານເຂົ້າຮອບຊີງຊະນະເລີດ ໃນລາຍການລະດັບແກຣນສະແລມໄດ້ເປັນຄັ້ງທຳອິດ ໂດຍຈະເຂົ້າໄປຖ້າພົບຜູ້ຊະນະລະຫວ່າງ ອີກາ ຊິອອນເທັກ ມື 1 ຂອງໂລກ ຈາກໂປໂລຍ ຫຼື ເບຍທຣິດ ຮັດດັດໄມອາ ມືອັນດັບ 12 ຂອງໂລກຈາກເບຣຊິນ.
ນອກຈາກນີ້ ຄາໂຣລິນາ ມູໂຊວາ ເປັນນັກເທັນນິດຍິງດ່ຽວຈາກ ສາທາລະນະລັດເຊັກ ຄົນທີ 5 ທີ່ສາມາດເຂົ້າຮອບຊີງຊະນະເລີດ ໃນການແຂ່ງຂັນເທັນນິດ ເຟຣນ ໂອເພັນ 2023 ໃນ Open Era ຕໍ່ຈາກ ມາຕິນາ ນາຟຣາຕິໂລວາ ລູຊີ ຊາຟາໂຣວາ ແລະ ບາໂບຣາ ເຄຣຊິໂຄວາ.
ຮຽບຮຽງໂດຍ: ພອນເພັດ ບຸນຄ້ຳ
