ສຳນັກຂ່າວຊິນຮວາ ຂອງ ສປ ຈີນ ເມື່ອບໍ່ດົນມານີ້ກຳປູເຈຍ ແລະ ສະຫະນະຄອນເອມິເຣັດອາຣັບ (UAE) ລົງນາມຮ່ວມກັນ ໃນຂໍ້ຕົງລົງຫຸ້ນສ່ວນທາງເສດຖະກິດຮອບດ້ານ ໂດຍມີເປົ້າໝາຍສົ່ງເສີມຄວາມສຳພັນດ້ານການຄ້າ ແລະ ການລົງທຶນແບບທະວິພາຄີ. ພາຍໃຕ້ຂໍ້ຕົກລົງດັ່ງກ່າວນັກລົງທຶນອູເອອີ ຈະເຂົ້າມາຕັ້ງໂຮງງານໃນກຳປູເຈຍ ແລະ ສົ່ງອອກຜະລິດຕະພັນສຳເລັດຮູບກັບຄືນປະເທດ ດ້ວຍອັດຕາພາສີພິເສດ. ພິທີລົງນາມຄັ້ງນີ້ຈັດຂຶ້ນຢູ່ກຳປູເຈຍ ລະຫວ່າງ ທ່ານ ປານ ສໍລະສັກ, ລັດຖະມົນຕີກະຊວງການຄ້າກຳປູເຈຍກັບ ທ່ານ ທານນີບິນ ອາເໝັດ ອໍລເຊຍູດີ, ລັດຖະມົນຕີກະຊວງການຄ້າ ໂດຍມີທ່ານ ຮຸນເຊັນ, ນາຍົກລັດຖະມົນຕີກຳປູເຈຍ ເຂົ້າຮ່ວມເປັນສັກຂີພິຍານ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
