ຄະນະຂົນຂວາຍເພື່ອສ້າງຕັ້ງສະມາຄົມພັດທະນາເສດຖະກິດສັງຄົມ ລາວ -ຣັດເຊຍ ຈັດກອງປະຊຸມງສ້າງຕັ້ງສະມາຄົມດັ່ງກ່າວຂຶ້ນໃນວັນທີ 8 ມິຖຸນາ 2023 ທີ່ໂຮງແຮມລາວພລາຊາ ໂດຍການເປັນປະທານຂອງ ທ່ານ ປານີ ຮວງພະຈັນ ຫົວໜ້າຄະນະຂົນຂວາຍເພື່ອສ້າງຕັ້ງສະມາຄົມພັດທະນາເສດ ຖະກິດສັງຄົມ ລາວ-ຣັດເຊຍ ໂດຍມີຄະນະຂົນຂວາຍ ແລະ ພາກສ່ວນກ່ຽວ ຂ້ອງເຂົ້າຮ່ວມ.
ຈຸດປະສົງຂອງກອງປະຊຸມຄັ້ງນີ້ເພື່ອເປັນການພິຈາລະນາ ແລະ ອະນຸມັດ ສ້າງຕັ້ງສະມາຄົມພັດທະນາເສດຖະກິດສັງຄົມ ລາວ-ຣັດເຊຍ ຮັບຮອງກົດ ລະບຽບ ແລະ ເລືອກຕັ້ງຄະນະບໍລິຫານງານສະມາຄົມ ເພື່ອເຮັດໃຫ້ການ ເຄື່ອນໄຫວຂອງສະມາຄົມຖືກຕ້ອງສອດຄ່ອງກັບລະບຽບກົດໝາຍປະກອບ ສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ໃຫ້ສືບຕໍ່ ເຕີບໃຫຍ່ຂະຫຍາຍຕົວ.
ສຳລັບການສ້າງຕັ້ງສະມາຄົມດັ່ງກ່າວ ແນໃສ່ເປັນປະກອບສ່ວນເຂົ້າໃນ ການຈັດຕັ້ງ ຜັນຂະຫຍາຍຕາມແນວທາງນະໂຍ ບາຍຂອງພັກ-ລັດຖະ ບານ ໃນການໂຄສະນາ ສ້າງຄວາມເຊື່ອໝັ້ນ ແລະ ລະດົມໃຫ້ບັນດານັກ ທຸລະກິດ ຫົວໜ່ວຍທຸລະກິດທັງພາຍໃນ ແລະ ຕ່າງປະເທດ ໃຫ້ມາດໍາເນີນ ທຸລະກິດຢູ່ ສ ປປ ລາວ ໂດຍສະເພາະນັກທຸລະກິດຊາວ ຣັດເຊຍພ້ອມເປັນ ການ ລະດົມ ຂົນຂວາຍນັກທຸລະກິດຈາກສະຫະພັນຣັດເຊຍ ໃນພາກພື້ນ ແລະ ສາກົນ ເຂົ້າມາເຄື່ອນໄຫວກິດຈະກໍາການຄ້າ ການແລກປ່ຽນຊື້-ຂາຍ ສີນຄ້າ ສ້າງເງື່ອນໄຂໃຫ້ມີການລົງທຶນໃນຂະແໜງການຕ່າງໆເຊັ່ນ: ພະລັງ ງານ-ບໍ່ແຮ່ ລະບົບ IT ການຂົນສົ່ງ ກະສິກໍາ ສຶກສາ-ສາທາ ໂຮງຈັກໂຮງງານ ສ້າງລະບົບການຊໍາລະສະສາງ ຫຼື ສ້າງຕັ້ງທະນາຄານ ແລະ ອື່ນໆ ລະຫວ່າງ ນັກທຸລະກິດລາວ ແລະ ລັດເຊຍ.
ສົ່ງເສີມນັກທຸລະກິດ-ຜູ້ປະກອບການທຸລະກິດໃນບັນດາຫົວໜ່ວຍທຸລະກິດທີ່ເປັນສະມາຊີກສະມາຄົມດໍາເນີນການ ຜະລິດໃຫ້ເປັນສີນຄ້າທີ່ດີ ມີຄຸນນະ ພາບ ໄດ້ມາດຕະຖານ ໃຫ້ພຽງພໍ ເພື່ອຈໍາໜ່າຍພາຍໃນ ແລະ ສົ່ງອອກຕ່າງປະເທດ ເຕົ້າໂຮມສົ່ງເສີມ ຄວາມສະໝັກໃຈ ໃນການປະກອບອາຊີບ ເຕັກນິກວິຊາການ,ຫົວຄິດປະດິດສ້າງໃນສະມາຊິກສະມາຄົມ ເຊື່ອມໂຍງພົວ ພັນກັບນັກທຸລະກິດ ຣັດເຊຍ ແລະ ສະມາຄົມອື່ນໆຢູ່ທຸກແຫ່ງທົ່ວພາກພື້ນ ແລະ ທົ່ວໂລກເພື່ອເຄື່ອນໄຫວຍາດແຍ່ງທຶນມາສ້າງສາ ແລະ ພັດທະນາ ສປປ ລາວ.
ໃນກອງປະຊຸມໄດ້ມີການຜ່ອນບັດຄັດເລືອກເອົາຄະນະບໍລິຫານງານຂອງສະມາຄົມ ໂດຍແມ່ນ ທ່ານ ນາງ ປານີ ຮວງພະຈັນ ເປັນປະທານ ທ່ານ ພູວົງ ສຸ້ຍຍະວົງ ທ່ານ ໄຊບັນດິດ ຣາຊພົນ ທ່ານ ປອ ສີວຽງເພັດ ເພັດວໍຣະສັກ ເປັນຮອງປະທານ.
