ສຳມະນາ ເນື່ອງໃນວັນເດັກສາກົນ ວັນສົນທີີສັນສັນຍາວ່າດ້ວຍສິດທິເດັກ ແລະ ວັນປູກຕົ້ນໄມ້ແຫ່ງຊາດ ຈັດຂຶ້ນວັນທີ 9 ມິຖຸນາ 2023 ທີ່ກະຊວງ ແຜນການ ແລະ ການລົງທຶນ (ຜທ) ເປັນປະທານຂອງ ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີກະຊວງ ຜທ ມີຕາງໜ້າຈາກສູນກາງສະ ຫະພັນແມ່ຍິງລາວ ກະຊວງສາທາລະນະສຸກ ບັນດາຫົວໜ້າກົມ ຫ້ອງການ ພະແນກ ການອ້ອມຂ້າງກະຊວງ ແລະ ພະນັກງານ-ວິຊາການເຂົ້າຮ່ວມ.
ກອງປະຊຸມຄັ້ງນີ້ ຜູ້ເຂົ້າຮ່ວມໄດ້ຮັບຟັງການນໍາສະເໜີກ່ຽວກັບສານຂອງ ທ່ານນາຍົກລັດຖະມົນຕີແຫ່ງສປປ ລາວ ການ ນໍາສະເໜີເອກກະສານ ທີ່ສຳຄັນ 2 ຫົວຂໍ້ຄື: 1.ແຜນງານ“ຮັກລູກໃຫ້ໃສ່ໃຈ” ແລະ 2. ແຜນດຳເນີນ ງານແຫ່ງຊາດ ກ່ຽວກັບໂພສະນາການ 2021-2025 ເຊິ່ງທັງສອງແຜນງານ ນີ້ ແມ່ນມີຄວາມສຳຄັນ ແລະ ຈຳເປັນໃນການວາງກອບນະໂຍ ບາຍທີ່ຈະໄປ ຊ່ວຍໃຫ້ຫຼຸດພົ້ນອັດຕາການຕາຍຂອງແມ່ ແລະ ເດັກ ເພາະສາຍເຫດການ ຕາຍຂອງແມ່ ແລະ ເດັກ ແມ່ນເກີດຈາກການຂາດສານອາຫານທີ່ມີປະ ໂຫຍດ ແທດເໝາະກັບເດັກແຕ່ລະໄລຍະການຈະເລີນເຕີບໂຕ ແລະ ໂພສະ ນາການທີ່ດີຕໍ່ສຸຂະພາບ ແລະ ການລ້ຽງດູລູກຫຼານໃຫ້ໄດ້ຮັບສານອາຫານ ທີ່ຄົບຖ້ວນ ຈະຊ່ວຍໃຫ້ເດັກມີການພັດທະນາທາງດ້ານຮ່າງກາຍ ມັນສະ ໝອງມີການຈະເລີນເຕີບໂຕ ແລະ ມີສຸຂະພາບທີ່ສົມບູນ ແລະ ແຂງແຮງ.
