ຄາຣິມ ເບນເຊມ່າ ໄດ້ເປີດຕົວຢ່າງເປັນທາງການໃນຖານະນັກເຕະໃໝ່ຂອງ ອັລ ອິດຕິຮັດ (Al Ittihad) ເມື່ອຄືນວັນອັງຄານທີ່ຜ່ານມາ. ກອງໜ້າຊາວຝຣັ່ງ ຢືນຢັນວ່າໄດ້ແຍກຕົວອອກຈາກ ຣີວ ມາດຣິດ ຫຼັງ ຈາກ ສັນຍາກໍາລັງຈະໝົດອາຍຸລົງໃນທ້າຍເດືອນນີ້ທ່າມກາງກະແສຂ່າວທີ່ ລະບຸວ່າ Al Ittihad ໄດ້ມອບຂໍ້ສະເໜີກ້ອນໃຫຍ່ໃຫ້ນັກເຕະພິຈາລະນາ ຫຼ້າສຸດເມື່ອຄືນວັນອັງຄານທີ່ຜ່ານມາ ເບນເຊມາ ໄດ້ຖືກເປີດຕົວເປັນນັກ ເຕະໃໝ່ຂອງ Al Ittihad ໂດຍຕົກລົງເຊັນສັນຍາ 2 ປີ ບວກກັບເງື່ອນໄຂ ການຂະຫຍາຍອອກໄປອີກໜຶ່ງລະດູການ.
ສື່ໃນເອີຣົບເປີດເຜີຍວ່າ ກອງໜ້າອາຍຸ 35 ປີ ຈະໄດ້ຮັບເງິນເດືອນປີລະ ປະມານເກືອບ 200 ລ້ານເອີໂຣ ເຊິ່ງຂໍ້ມູນດັ່ງກ່າວ ລວມໄປເຖິງຄ່າໂຄສະ ນາທີ່ຕົກລົງກັນໃນສັນຍາ ໃນລະດູການ 2022/23 ເບນເຊມາ ລົງສະໜາມ ໃຫ້ກັບ ຣີວ ມາດຣິດ 43 ນັດ ຍິງໄດ້ 31 ປະຕູ ແລະ ສົ່ງໃຫ້ໝູ່ຍິງ 6 ອີກປະຕູ ໃນທຸກການແຂ່ງຂັນ ແລະ ໃນຕອນນີ້ ກໍາລັງຈະເລີ່ມຕົ້ນການຜະຈົນໄພຄັ້ງ ໃໝ່ໃນລີກຊາອູດິອາຣະເບີຍ.
