ສະຫະພັນບານເຕະແຫ່ງຊາດລາວ(ສຕລ) ໄດ້ເຫັນດີແຕ່ງຕັ້ງທ່ານ ອາເຣນາ ກູເລຍໂມ (ARENA GUGLIERMO) ສັນຊາດອິຕາລີ ໃນໄວ 50 ປີໃຫ້ເປັນຫົວ ໜ້າຄູເຝິກທິມຊາດລາວຄົນໃໝ່.
ທ່ານ ອາເຣນາ ກູເລຍໂມ ມີໃບປະກາດ UEFA Pro License ແລະ ມີຜົນງານ ການຄຸມທີມໃນລີກຫຼາຍປະເທດຄື:ລີກໃນປະເທດບູກີນາຟາໂຊ ເບນິນ ສິງ ກະໂປ ໂອມານ ອານຈີເຣຍ ສະຫະລັດອາຣັບ ອີມີເຣດ ມາຣົກ ເປັນຜູ້ຊ່ວຍຄູ ເຝິກ Philippe Troussier ໃນ ສະໂມສອນ Hangzhou Greentown ໃນລີກ ສປ ຈີນ.
ໃນໂອກາດດັ່ງກ່າວ ທ່ານ ອາເຣນາ ກູເລຍໂມ ໄດ້ສະແດງຄວາມດີໃຈທີ່ໄດ້ມາ ມີສ່ວນຮ່ວມໃນການພັດທະນາກີລາບານເຕະທິມຊາດລາວ ແລະ ຈະເຮັດ ຜົນງານໃຫ້ດີທີ່ສຸດ ພ້ອມຈະຮວ່ມມືກັບສຕລ ຄະນະທິມງານຄູເຝິກແລະ ນັກກີລາທິມຊາດລາວ ສ້າງຜົນງານໃຫ້ໄດ້ດີທີ່ສຸດ.
ສຳລັບ ອາເຣນາ ກູເລຍໂມ ຈະນຳພາ ທີມຊາດລາວ U23 ເຂົ້າຮ່ວມ ການ ແຂ່ງຂັນບານເຕະຊາຍຊີງແຊັມອາຊຽນ ຮຸ່ນອາຍຸບໍ່ເກີນ 23 ປີ ( AFF U23 CHAMPIONSHIP 2023 ) ຢູ່ທີ່ປະເທດໄທ ໃນລະຫວ່າງວັນທີ 17-26 ສິງຫາ 2023 ໂດຍທີມຊາດລາວ ຢູ່ ກຸ່ມ C ຮ່ວມກັບ ຟີລິບປິນ ຫວຽດນາມ ແລະ ການແຂ່ງຂັນບານເຕະຊາຍ ຮຸ່ນອາຍຸບໍ່ເກີນ 23 ປີ (U23) ຊີງແຊັມອາຊີ 2024 ຮອບຄັດເລືອກ (AFC U23 Asian Cup 2024 qualifying round) ລະຫວ່າງວັນທີ 6-12 ກັນຍາ 2023 ເຊິ່ງທີມຊາດລາວ ຢູ່ກຸ່ມ I ຮ່ວມກັບ ອົສະຕຣາລີ ທາຈີກິສຖານ ແລະ ສປປ ເກົາຫຼີ.
