ຕາມຂ່າວຈາກ ວິທະຍຸສາກົນ ຫວຽດນາມ, ວັນທີ 11 ພືດສະພານີ້, ກອງປະຊຸມສຸດຍອດອາຊຽນ ຄັ້ງທີ 42 ພວມຈັດຂຶ້ນຢູ່ ອິນໂດເນເຊຍ ໄດ້ຮັບຮອງເອົາຖະແຫລງການຮ່ວມຂອງບັນດາການນຳ ກ່ຽວກັບການສ້າງເຄືອຂ່າຍໝູ່ບ້ານຕາແສງໃນອາຊຽນ. ເຄືອຂ່າຍໝູ່ບ້ານຕາແສງໃນອາຊຽນມີເປົ້າໝາຍສະໜອງພື້ນຖານໃຫ້ແກ່ການເຂົ້າຮ່ວມຂອງໝູ່ຄະນະ ບັນດາປະຊາຄົມ, ຊ່ວຍໃຫ້ສຽງເວົ້າຂອງເຂົາເຈົ້າໄດ້ຮັບການຮັບຟັງ, ສ້າງກາລະໂອກາດໃຫ້ເຂົາເຈົ້າໄດ້ປະກອບສ່ວນ ກໍ່ຄືໄດ້ຮັບຜົນປະໂຫຍດຈາກການພັດທະນາ, ສ້າງເງື່ອນໄຂການຮ່ວມມື ແລະ ເຊື່ອມຕໍ່ລະຫວ່າງບັນດາໝູ່ບ້ານເພື່ອແນໃສ່ ຊຸກຍູ້ການຫັນປ່ຽນຊົນນະບົດ ແລະ ໃນວັນທີ 10 ພຶດສະພາ ກອງປະຊຸມໄດ້ຮັບຮອງເອົາຖະແຫລງການຂອງບັນດາ ການນຳ ວ່າດ້ວຍການຄ້າມະນຸດ (TIP) ຍ້ອນສວຍໃຊ້ ເຕັກໂນໂລຊີ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
