ນັກກິລາສະນຸກເກີທີມໍາດລາວ ໄດ້ເຂົ້າຊິງຫລຽນຄຳອີກ 1 ລາຍການ ໃນຊີເກມ ຄັ້ງທີ 32 ທີ່ກຳປູເຈຍ ຈາກປະເພດຄູ່ຊາຍ ສະນຸກເກີ 6 ແດງ ເຊີ່ງປະກອບດ້ວຍ ສິດທິເດດ ສັກບ່ຽງ ແລະ ສຸລິຍາ ມີນາລາວົງ ຮອບ 8 ຄູ່ສຸດທ້າຍ ຊະ ນະ ອິນໂດເນເຊຍ 4-2 ເຟຣມ ແລະ ຮອບຮອງຊະນະເລີດ ຊະນະເຈົ້າພາບ ກຳປູເຈຍ 4-0 ເຟຣມ.
ສໍາລັບຮອບຊິງຊະນະເລີດ ຫລື ຊິງຫລຽນຄຳ ຈະພົບກັບ ໄທ ທີ່ເອົາຊະນະ ມາເລເຊຍ 4-2 ເຟຣມ, ເຊີ່ງນັກສະ ນຸກເກີທີມໍາດໄທຊຸດນີ້ ນຳໂດຍ ຕ໋ອງ ສິດສ່ອຍ ຫລື ເຈມ ວັດທະນາ ຜູ່ໂອບອ້ອມ ທີ່ເຄີຍເປັນນັກສະນຸກເກີລະກັບໂລກມາແລ້ວ ແລະ ຄຣິດສະນຸດ ເລີດສັດທະຍາທອນ
ຮອບຊິງຈະແຂ່ງຂັນວັນທີ 11 ພຶດສະພານີ້ ເວລາ 14:00 ຊົມຖ່າຍທອດສົດໄດ້ທາງເຟດບຸກເພຈ: Cambodia Billiard Sports Federation
ກ່ອນໜ້ານີ້ ນັກກິລາສະນຸກເກີທີມຊາດລາວ ໄດ້ມາແລ້ວ 1 ຫລຽນເງິນ ຈາກ ສິດທິເດດ ສັກບ່ຽງ ສະນຸກເກີ 6 ແດງ ປະເພດຊາຍດ່ຽວ.
Photo: @TaLo Phouthabandit
