ວັນທີ 05 ພຶດສະພາ 2023 ຢູ່ທີ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງໄຊສົມບຸນ, ກົມສື່ມວນຊົນ ກະຊວງ ຖວທ ໄດ້ຈັດພິທີມອບ-ຮັບອຸປະກອນຊຸດໂທລະໂຄ່ງ ຂອງໂຄງການປັບປຸງຂະຫຍາຍຕາໜ່າງໂທລະໂຄ່ງທົ່ວປະເທດ (ໄລຍະ 2) ໃຫ້ແຂວງຜົ້ງສາລີ ໂດຍການເປັນປະທານ ຂອງທ່ານ ໂພສີ ແກ້ວມະນີວົງ ຄະນະປະຈຳພັກກະຊວງ ຮອງລັດຖະມົນຕີກະຊວງ ຖວທ ຫົວໜ້າຄະນະຮັບຜິດຊອບໂຄງການ, ມີທ່ານ ຕົ່ງມົວ ຊົວໂກ້ ຄະນະປະຈຳພັກແຂວງ ຮອງເຈົ້າແຂວງ ແຂວງໄຊສົມບຸນ ທັງເປັນຜູ້ຊີ້ນໍາຂົງເຂດວຽກງານວັດທະນາທຳ-ສັງຄົມ, ຫົວໜ້າກົມສື່ມວນຊົນ, ກົມກວດກາ, ຫົວໜ້າພະແນກ, ຮອງພະແນກ ຖວທ, ຫົວໜ້າ-ຮອງຫົວໝ້າຫ້ອງການ ຖວທ ແລະ ພະນັກງານວິຊາການທີ່ກ່ຽວຂ້ອງຈຳນວນໜຶ່ງເຂົ້ົ້າຮ່ວມ
ອຸປະກອນຊຸດໂທລະໂຄ່ງທີ່ນຳມາມອບໃນຄັ້ງນີ້້ ປະກອບມີ 50 ຊຸດ ໃນນີ້ປະກອບມີເຄື່ອງຂະຫຍາຍສຽງ 50 ໜ່ວຍ, ດອກປາກເລີ 200 ຊຸດ, ສາຍໂທລະໂຄ່ງ 100 ກໍ້ (20,000 ແມັດ) ໄມໂຄໂຟນ 50 ອັນ, ປັກສຽບໄຟຟ້າ 50 ອັນ, ຢູເອັດບີ 16 ກີກ 50 ອັນ, ເຄື່ຶອງຮັບສັນຍານວິທະຍຸ 50 ເຄື່ອງ, ຈານຮັບດາວທຽມ ສຳລັບຮັບສັນຍານວິທະຍຸ 50 ຊຸດ ແລະ ອຸປະກອນເສີມອີກຈະນວນໜື່ງ ໂດຍມອບໃຫ້ 5 ເມືອງ 50 ບ້ານ ຄື: ເມືອງອານຸວົງ 15 ບ້ານ, ເມືອງລອງຊານ 10 ບ້ານ, ເມືອງທ່າໂທມ 13 ບ້ານ, ເມືຶອງລອງແຈ້ງ 7 ບ້ານ, ເມືອງຮົ່ມ 5 ບ້ານ.
ໃຫ້ກຽດມອບໂດຍ ທ່ານ ສົມສະຫວາດ ພົງສາ ກຳມະການພັກກະຊວງ ຫົວໜ້າກົມສື່ມວນຊົນ ກະຊວງ ຖວທ ຮັບໂດຍ ທ່ານ ທົງສະຫັວນ ໂພສະຫຼາດ ຫົວໜ້າພະແນກ ຖວທ ແຂວງໄຊສົມບູນ ໂດຍຊ່ອງໜ້າ ທ່ານ ໂພສີ ແກ້ວມະນີວົງ ຄະນະປະຈຳພັກກະຊວງ ຮອງລັດຖະມົນຕີກະຊວງ ຖວທ ແລະ ທ່ານ ຕົ່ງມົວ ຊົວໂກ້ ຄະນະປະຈຳພັກແຂວງ ຮອງເຈົ້າແຂວງ ແລະ ພາກສ່ວນທີ່ກ່ຽວຂ້ອງເຂົ້່າຮ່ວມເປັນສັກຂີພະຍານ.
