ຄ່າໄຟກໍ່ແພງຂຶ້ນແບບນີ້ເຮົາມີວິທີປະຢັດຄ່າໄຟແນວໃດ ? ມາເບິ່ງ 5 ວິທີປະຢັດໄຟຟ້າໃນຍຸກທີ່ທຸກຢ່າງມີລາຄາແພງນຳກັນເລີຍ!
- ປະຢັດໄຟໂດຍການ “ຖອດສາຍໄຟທຸກຄັ້ງທີ່ຢຸດໃຊ້”
ເຊື່ອ ຫຼື ບໍ່? ວິທີພື້ນຖານນີ້ແມ່ນວິທີທີ່ປະຢັດໄຟໄດ້ຜົນທີ່ສຸດ ແລະ ເປັນວິທີວິຊາການໄຟຟ້າ ຫຼື ERC ແນະນໍາໃຫ້ປະຊາຊົນໃຫ້ເຮັດເຊັ່ນດຽວກັນ ພຽງແຕ່ຖອດເຄື່ອງໃຊ້ໄຟຟ້າ ຫຼື ຖ້າສຽບສາຍໄຟກໍ່ໃຫ້ປິດສະວິດຢູ່ເທີງສາຍໄຟ ພຽງເທົ່ານີ້ກໍ່ຈະເຮັດໃຫ້ເຄື່ອງໃຊ້ໄຟຟ້າຢຸດການກິນໄຟໄດ້.
ຖ້າທ່ານຕ້ອງການປະຢັດໄຟ ຕ້ອງຈື່ໄວ້ສະເໝີວ່າ: ການປິດເຄື່ອງໃຊ້ໄຟບໍ່ເທົ່າກັບການຖອດສາຍໄຟ ຖ້າຍັງສຽບສາຍໄຟຢູ່ ເຄື່ອງໃຊ້ໄຟຟ້ານັ້ນກໍ່ຈະຍັງກິນໄຟ ດັ່ງນັ້ນ ຄ່າໄຟຟ້າຈຶ່ງແພງຜິດປົກກະຕິ.
ສຳລັບຄົນທີ່ມັກລືມເຮົາຂໍແນະນຳ Smart Plug ເຊິ່ງເປັນອຸປະກອນອີເລັກໂທຣນິກອັດສະລິຍະທີ່ສາມາດເປີດ ແລະ ປິດທາງໄກໄດ້ໂດຍຜ່ານສະມາດໂຟນ ເພາະປະຢັດໄຟໄດ້ ເຖິງວ່າທ່ານຈະບໍ່ໄດ້ຢູ່ເຮືອນກໍ່ຕາມ.
- ປະຢັດໄຟໂດຍການ “ເປີດແອອຸນຫະພູມ 26-27 ອົງສາ”
ການເປີດແອໃນອຸນຫະພູມ 26-27 ອົງສາ ສາມາດຊ່ວຍປະຢັດໄຟຟ້າໄດ້ແທ້ ເພາະເຄື່ອງ Condenser ຫຼື Compressor ຈະເຮັດວຽກໜ້ອຍກວ່າເມື່ອທຽບໃສ່ການເປີດແອໃນອຸນຫະພູມຕໍ່າ ເພາະມັນຈະສົ່ງຜົນກະທົບໃຫ້ແອໃນເຮືອນກິນໄຟໜ້ອຍລົງ.
ຖ້າທ່ານຕ້ອງການປະຢັດໄຟ ຕ້ອງຈື່ໄວ້ສະເໝີວ່າ: ແອເຢັນເທົ່າໃດຍີ່ງກິນໄຟຫຼາຍເທົ່ານັ້ນ ເວລາໃດທີ່ຮູ້ສຶກຮ້ອນຫຼາຍ ໃຫ້ຕັ້ງແອຢູ່ອຸນຫະພູມ 26-27 ອົງສາ ທົດລອງເປີດພັດລົມເບີ 1 ຈະຊ່ວຍໃຫ້ອາກາດໃນຫ້ອງໄຫຼວຽນ ແລະ ຮູ້ສຶກເຢັນກວ່າເກົ່າໄດ້.
- ປະຢັດພະລັງງານໂດຍການ “ໃຊ້ດອກໄຟ LED”
ດອກໄຟ LED ນອກຈາກຈະໃຫ້ແສງສະຫວ່າງທີ່ດີກ່ອນຫຼອດໄຟແບບໃສ້ແລ້ວ ຍັງມີຄຸນນະສົມບັດທີ່ໂດດເດັ່ນອີກອັນຫນຶ່ງແມ່ນການປະຢັດໄຟ ເຖິງແມ່ນວ່າມັນຈະໃຫ້ຄວາມແຈ້ງສະຫວ່າງແລ້ວ ມັນຍັງກິນໄຟຫນ້ອຍລົງ ຫຼື ໃຊ້ພະລັງງານຫນ້ອຍລົງ ນອກຈາກປະຢັດໄຟແລ້ວມັນຍັງປະຢັດເງິນນຳອີກ ເນື່ອງຈາກວ່າມັນມີອາຍຸການໃຊ້ງານດົນກ່ວາດອກໄຟມີໃສ້.
ຖ້າທ່ານຕ້ອງການປະຢັດໄຟ ຈື່ໄວ້ສະເໝີວ່າ: ດອກ LED ແມ່ນດີແທ້ໆ ເຖິງແມ່ນວ່າລາຄາຂອງດອກໄຟ LED ຈະສູງກວ່າດອກໄຟທໍາມະດາ ແຕ່ເນື່ອງຈາກການໃຊ້ເວລາໄດ້ດົນກວ່າ ແລະ ຍັງໃຫ້ແສງສະຫວ່າງທີ່ດີກວ່າ ການເລືອກໃຊ້ດອກໄຟ LED ຈຶ່ງເປັນການລົງທຶນທີ່ຄຸ້ມຄ່າ ແລະ ຊ່ວຍຫຼຸດບັນຫາຄ່າໄຟຟ້າແພງນຳອີກ.
- ປະຢັດໄຟໂດຍການ “ເລືອກໃຊ້ອຸປະກອນປະຢັດພະລັງງານເບີ 5”
ໂຄງການປະຢັດພະລັງງານເບີ 5 ຂອງ EGAT ເປັນໂຄງການທີ່ຊ່ວຍໃຫ້ພວກເຮົາປະຢັດໄຟໄດ້ງ່າຍຂຶ້ນ ເພາະທາງໂຄງການຈະອອກສະຫຼາກໃຫ້ກັບເຄື່ອງໃຊ້ໄຟຟ້າ ແລະ ອຸປະກອນອີເລັກໂທຣນິກ ຊື່ງຜ່ານການທົດລອງແລ້ວວ່າມີປະສິດທິພາບໃນການປະຢັດໄຟ ແລະ ມີຄ່າສູງສຸດແມ່ນເບີ 5 ສາມດາວ.
ຖ້າທ່ານຕ້ອງການປະຢັດໄຟ ຕ້ອງຈື່ໄວ້ສະເໝີວ່າ: ເບີ 5 ປະຢັດໄຟ ເລືອກໃຊ້ອຸປະກອນປະຢັດໄຟເບີ 5 ເປັນຕົ້ນຕູ້ເຢັນ, ແອ, ເຄື່ອງເຮັດນ້ຳອຸ່ນ, ດອກໄຟ LED ຫຼື ເຄື່ອງດູດອາກາດ ແລະ ອື່ນໆ ເພາະນອກຈາກຈະໄດ້ຮັບການຮັບຮອງວ່າປະຢັດໄຟໄດ້ຫຼາຍກວ່າເບີອື່ນແລ້ວ ມັນຍັງຊ່ວຍເຮັດໃຫ້ຄ່າໄຟບໍ່ແພງ ແລະ ມີປະສິດທິພາບທີ່ເຮັດວຽກໄດ້ດີຫຼາຍ.
- ປະຢັດໄຟໂດຍການ “ຕິດຕັ້ງໂຊລາເຊລ”
ໂຊລາເຊລ ( Solar Cell ) ແມ່ນການປ່ຽນພະລັງງານແສງອາທິດມາເປັນພະລັງງານໄຟຟ້າ ຈຸດເດັ່ນແມ່ນ:
1. ພະລັງງານແສງຕາເວັນແມ່ນພະລັງງານທີ່ບໍ່ເຄີຍໝົດ.
2. ພະລັງງານແສງຕາເວັນສາມາດນຳໃຊ້ໄດ້ບໍ່ມີໃຜເປັນເຈົ້າຂອງ.
3. ພະລັງງານແສງຕາເວັນແມ່ນພະລັງງານສະອາດ.
ການຕິດຕັ້ງຈຸໂຊລາເຊລ ສາມາດຊ່ວຍປະຢັດໄຟໄດ້ຫຼາຍ ໄລຍະເວລາການໃຊ້ງານແມ່ນຂຶ້ນກັບຂະຫນາດ ແລະ ປະເພດຂອງແຜງແສງຕາເວັນທີ່ເລືອກໃນການຕິດຕັ້ງ.
ຖ້າທ່ານຕ້ອງການປະຢັດໄຟໃນເວລາດຽວກັນກັບການຮັກໂລກ ຕ້ອງຈື່ໄວ້ສະເໝີວ່າ: ປະຢັດໄຟໄດ້ຫຼາຍຖ້າໃຊ້ໂຊລາເຊລ ທົດລອງຊອກຫາໄຟໂຊລາເຊລຂະຫນາດນ້ອຍໆ ມາໃຊ້ເບິ່ງກ່ອນກໍ່ໄດ້ ພວກເຮົາຂໍແນະນຳແຜງໂຊລາເຊວ PSI ທີ່ມີຫຼາຍຮູບແບບຕາມຄວາມຕ້ອງການຂອງທ່ານ ບໍ່ວ່າຈະເປັນ Solar Roof ຫຼື Easy Plug ຊຸດເລີ່ມຕົ້ນຂອງ PSI Solar Cell.
(ຄວາມສາມາດໃນການປະຢັດໄຟສ່ວນຫຼາຍແມ່ນຂຶ້ນກັບປະລິມານໄຟຟ້າທີ່ໃຊ້ໃນມື້ນັ້ນ ມາປະຢັດໄຟຟ້ານຳກັນຂໍໃຫ້ຜ່ານຍຸກທີ່ທຸກສິ່ງທຸກຢ່າງລວມທັງຄ່າໄຟ “ແພງ”)
