ຕາມຂ່າວຈາກວິທະຍຸສາກົນຫວຽດນາມ ເງື່ອນໄຂເຮັດວຽກທີ່ດີ ແລະ ລາຍຮັບສູງຍາມໃດກໍ່ແມ່ນຄວາມຫວັງຂອງຜູ້ອອກແຮງງານ ດັ່ງນັ້ນ ໃນວັນທີ 1ພືດສະພານີ້ ທົ່ວໂລກໄດ້ສະເຫລີມສະຫລອງ 137 ປີ ແຫ່ງວັນກຳມະກອນສາກົນ ໄດ້ມີການຈັດ ກິດຈະກຳເຄື່ອນໄຫວຫລາຍລາຍການທີ່ມີຄວາມໝາຍເພື່ອເຊີດຊູວັນສຳຄັນພິເສດນີ້ ເປັນຕົ້ນ: ກຳມະກອນຜູ້ອອກແຮງງານ ນັບຮ້ອຍຄົນໃນທົ່ວປະເທດກຳປູເຈຍ ໄດ້ເດີນຂະບວນໃນຖະໜົນຫລາຍສາຍ ເພື່ອຍົກສູງເງືື່ອນໄຂເຮັດວຽກ ແລະ ລະດັບ ເງິນເດືອນສູງໃຫ້ແກ່ຜູ້ອອກແຮງງານ. ສຳລັບ ສ.ເກົາຫລີ ມີກຳມະກອນ, ຜູ້ອອກແຮງງານນັບພັນຄົນໄດ້ເດີນຂະບວນ ໃນຖະໜົນສາຍຕ່າງໆ ຢູ່ໃຈກາງນະຄອນຫຼວງເຊອຸນ ເພື່ອຮຽກຮ້ອງປັບປຸງສິດຂອງຜູ້ອອກແຮງງານ ແລະ ເງື່ອນໄຂເຮັດວຽກທີ່ດີຂຶ້ນ. ຂະນະທີ່ ທ່ານ Lula da Silva ປະທານາທິບໍດີບຣາຊິນ ໄດ້ໃຫ້ຄຳໝັ້ນສັນຍານຳໃຊ້ນະໂຍບາຍໃໝ່ ກ່ຽວກັບການເພີ່ມ ເງິນເດືອນພື້ນຖານ, ພ້ອມທັງປະກາດແຜນການຍົກລະດັບການຍົກເວັ້ນອາກອນລາຍຮັບ ໃຫ້ແກ່ຜູ້ມີລາຍຮັບຕ່ຳ. ໃນວັນດຽວກັນລັດຖະບານອີຕາລີ ໄດ້ປະກາດບັນດາມາດຕະການເພື່ອແນໃສ່ຊຸກຍູ້ເງືື່ອນໄຂ ເຮັດວຽກ ແລະ ເພີ່ມເງິນເດືອນ ໃຫ້ຜູ້ອອກແຮງງານ. ນອກນີ້ ຍັງມີຜູ້ຕາງໜ້າຊາວຜູ້ອອກແຮງງານນັບຫາຍກ່ວາ 155.000 ຄົນ ໃນການາດາ ບັນລຸໄດ້ຂໍ້ຕົກລົງ ກ່ຽວກັບລະດັບເງິນເດືອນ, ຢຸດຕິການນັດຢຸດງານໃຫຍ່ທີ່ສຸດໃນຂົງເຂດສາທາລະນະຢູ່ປະເທດນີ້.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
