ຕາມຂ່າວຈາກວິທະຍຸສາກົນ ຫວຽດນາມ, ທ່ານ ຫງວຽນ ຮົ່ງຢຽນ,ລັດຖະມົນຕີ ກະຊວງ ອຸດສາຫະກຳ ການຄ້າ ສສ ຫວຽດນາມ ໄດ້ພົບປະກັບ ທ່ານ ປ.ອ ທານິ ບິນ ອາເມັດ ອໍລ ເຊຢູດິ (Thani bin Ahmed Al Zeyoudi), ລັດຖະມົນຕີ ຮັບຜິດຊອບ ການຄ້າ ສາກົນ, ກະຊວງ ການຕ່າງປະເທດ ສະຫະນະຄອນ ເອເມເຣັດ ອາຣັບ(UAE)ໃນວັນທີ6 ເມສານີ້ ຢູ່ນະຄອນຫລວງ ອາບູດາບີ (Abu Dhabi).ຈາກນັ້ນ ທ່ານ ຫງວຽນ ຮົ່ງຢຽນ ໄດ້ສະເໜີໃຫ້ ເພີ່ມທະວີ ການແລກປ່ຽນ ຄະນະ ຜູ້ແທນ ທຸກຂັ້ນ, ຄະນະ ນັກທຸລະກິດ ເພື່ອຊອກຮູ້ ກາລະໂອກາດ ຮ່ວມມື, ພິເສດ ແມ່ນການຮ່ວມມື ໃນຂົງເຂດ ການຄ້າ ແລະ ການລົງທຶນ. ພ້ອມທັງ ກຳນົດທິດ ປຶກສາຫາລື ສັນຍາ ການຄ້າ ເສລີ 2 ຝ່າຍ ໂດຍສະເພາະ ສັນຍາ ຄູ່ຮ່ວມມື ເສດຖະກິດ ຮອບດ້ານ ລະຫວ່າງ ສສ ຫວຽດນາມ ແລະ UAE (CEPA).ນອກນີ້ ຍັງຕີລາຄາສູງ ຄວາມສາມາດ ບົມຊ້ອນ ແລະ ກາລະໂອ ກາດ ຈາກສັນຍາ ດັ່ງກ່າວ ຕໍ່ແລະ ຈະສ້າງທ່າເຕີບໂຕ ດ້ານການຄ້າ ແລະ ການລົງທຶນ ໃນໄລຍະໃໝ່. ໃນໂອກາດນີ້ ທ່ານ ປ.ອ Thani bin Ahmed Al Zeyoudi ກ່າວເນັ້ນວ່າ: ຈະເພີ່ມທະວີ ການຮ່ວມມື ດ້ານເສດຖະກິດກັບ ສສ ຫວຽດນາມ ແລະ ຍາມໃດກໍ່ຖື ສສ ຫວຽດນາມ ເປັນຄູ່ຮ່ວມມື ສຳຄັນ ກ່ຽວ ກັບ ເສດຖະກິດ ແລະ ມີຄວາມສາມາດ ບົມຊ້ອນ ຫລາຍຢ່າງ ໃນການ ຮ່ວມມື. ການນຳ ຂັ້ນສູງສຸດ ຂອງ UAE ກໍ່ມີການຊີ້ນຳ ທີ່ຈຳເປັນ ຕໍ່ເລື່ອງ ເລີ່ມເຄື່ອນໄຫວ ເຈລະຈາ ກ່ຽວ ກັບ CEPA ພາຍຫລັງ ສສ ຫວຽດນາມ ສຳ ເລັດ ບັນດາ ລະບຽບການ ຢູ່ພາຍໃນປະເທດ./.
(ບັນນາທິການຂ່າວ: ຕ່າງປະເທດ), ຮຽບຮຽງຂ່າວໂດຍ: ສະໄຫວ ລາດປາກດີ
