ນັກທ່ອງທ່ຽວຕ່າງປະເທດ ເດີນທາງເຂົ້າມຽນມາ ເພີ່ມຂຶ້ນ 288%

ສຳນັກຂ່າວ ຊິນຮວາຂອງ ສປຈີນ, ກະຊວງ ການໂຮງແຮມ ແລະ ການທ່ອງທ່ຽວ ຂອງມຽນມາ ລາຍງານວ່າ: ໃນເດືອນກຸມພາ ຜ່ານມາ, ປະລິມານ ນັກທ່ອງທ່ຽວ ຕ່າງປະເທດ ເດີນທາງເຂົ້າມາປະເທດນີ້ ບັນລຸ 50.181 ເທື່ອຄົນ, ເພີ່ມຂຶ້ນ 288% ເມື່ອທຽບໃສ່ ໄລຍະດຽວກັນຂອງ ປີກາຍ. ໃນນັ້ນ, ນັກທ່ອງທ່ຽວ ຕ່າງປະເທດ ເດີນທາງເຂົ້າມາ ທາງເຮືອບິນ ຈຳນວນ 22.623 ເທື່ອຄົນ; ທາງກຳປັ່ນ 11 ເທື່ອຄົນ ແລະ ຜ່ານເສັ້ນທາງບົກ ລວມມີ 27.547 ເທື່ອຄົນ. ເມື່ອປີກາຍນີ້, ນັກທ່ອງທ່ຽວ ຕ່າງປະເທດ ເຂົ້າມາ ມຽນມາ ລວມມີ 233.487 ເທື່ອຄົນ.