ໃນວັນທີ 29 ມີນາ 2023, ກະຊວງການຕ່າງປະເທດ ໄດ້ຈັດກອງປະຊຸມຜັນຂະຫຍາຍ ເນື້ອໃນ ຈິດໃຈຂອງກອງປະຊຸມວຽກງານກວດກາ ທົ່ວປະເທດ ປະຈໍາປີ 2022 ແລະ ທິດທາງວຽກງານຈຸດສຸມ 2023 ຂອງຄະນະກວດກາສູນກາງພັກ ໂດຍການເປັນປະທານຂອງ ສະຫາຍ ບຸນເຫລືອ ພັນດານຸວົງ ຄະນະປະຈໍາ ພັກກະຊວງ, ປະທານຄະນະກວດກາພັກກະຊວງ, ຮອງລັດຖະມົນຕີກະຊວງການຕ່າງປະເທດ, ມີບັນດາຄະນະກໍາມະການພັກກະຊວງ, ເລຂາໜ່ວຍພັກ, ບັນດາຄະນະກົມ, ຄະນະພະແນກ ແລະ ພະນັກງານກົມກວດກາ ຂອງກະຊວງການຕ່າງປະເທດ ເຂົ້າຮ່ວມ.
ສະຫາຍ ບຸນເຫລືອ ພັນດານຸວົງ ໄດ້ໃຫ້ກຽດເຜີຍແຜ່ເຊື່ອມຊຶມເນື້ອໃນ ເອກະສານປາຖະກະຖາ ມູນເຊື້ອວັນສ້າງຕັ້ງອົງການກວດກາ ພັກ-ລັດ ຄົບຮອບ 41 ປີ ແລະ ບົດໂອ້ລົມຂອງ ສະຫາຍ ຄໍາພັນ ພົມມະທັດ ກໍາມະການກົມການເມືອງສູນກາງພັກ, ເລຂາທິການສູນກາງພັກ, ປະ ທານຄະນະກວດກາສູນກາງພັກ, ອົງການກວດກາແຫ່ງລັດ ແລະ ຫົວໜ້າອົງການຕ້ານການສໍ້ລາດບັງຫລວງ ຂັ້ນສູນ ກາງ. ພ້ອມກັນນີ້, ກອງປະຊຸມໄດ້ຮັບຟັງບົດສະຫລຸບຫຍໍ້ການຕີລາຄາການເຄື່ອນໄຫວ ວຽກງານກວດກາ ປີ 2022 ແລະ ທິດທາງວຽກງານຈຸດສຸມປີ 2023 ຂອງຄະນະກວດກາສູນກາງພັກ. ຈາກນັ້ນ ສະຫາຍປະທານກອງປະຊຸມ ໄດ້ຍົກໃຫ້ເຫັນຄວາມໝາຍຄວາມສຳຄັນ ຂອງວັນສ້າງຕັ້ງອົງ ການກວດກາພັກ-ລັດ ຄົບຮອບ 41 ປີ ເຊິ່ງເປັນຂີດໝາຍທີ່ສໍາຄັນໃນຂະບວນວິວັດ ເພີ່ມທະວີບົດບາດການນໍາພາຂອງພັກ ໃນການຄຸ້ມຄອງລັດ-ຄຸ້ມຄອງສັງຄົມ ຕາມກົດໝາຍຂອງສປປ ລາວ ແລະ ຍົກໃຫ້ເຫັນການເຕີບໃຫຍ່ຂະ ຫຍາຍຕົວຂອງ ອົງການກວດກາພັກ-ລັດ ສປປ ລາວ ຕະ ຫລອດໄລຍະຜ່ານມາ, ລວມທັງຜົນງານການເຄື່ອນໄຫວວຽກງານກວດກາ ໃນແຕ່ລະໄລຍະ; ພ້ອມກັນນີ້, ສະຫາຍ ບຸນເຫລືອ ພັນດານຸວົງ ໄດ້ແຈ້ງຕໍ່ກອງປະຊຸມ ຊາບວ່າ ໃນປີ 2022 ທີ່ຜ່ານມາ ດ້ວຍການເອົາໃຈໃສ່ຊີ້ນໍາ-ນຳພາ ຂອງຄະ ນະພັກ, ອໍານາດການປົກຄອງ ແລະ ຄະນະກວດກາ ແຕ່ ລະຂັ້ນ ໄດ້ມີຜົນສໍາເລັດເປັນຢ່າງດີ ເປັນຕົ້ນ ການຈັັດຕັ້ງປະຕິບັດວຽກງານ ໃນແຕ່ລະດ້ານໄດ້ຮັບຜົນສຳເລັດຢ່າງຫລວງຫລາຍ, ທັງໄດ້ປັບປຸງຍົກລະດັບ ຄວາມຮູ້ຄວາມສາ ມາດຂອງການຈັດຕັ້ງ ແລະ ບຸກຄະລາກອນ.
ຄຽງຄູ່ກັບດ້ານດີ ແລະ ຜົນງານ ໃນຂົງເຂດວຽກງານ ກວດກາພັກ- ລັດ ແລະ ການຕ້ານການສໍ້ລາດບັງຫລວງ ກໍຍັງມີຈຸດອອ່ນ ແລະ ຂໍ້ຄົງຄ້າງທີ່ ຕ້ອງໄດ້ສືບຕໍ່ແກ້ໄຂ; ພ້ອມທັງຮຽກຮ້ອງໃຫ້ຄະນະພັກທຸກຂັ້ນ ນໍາເອົາເນື້ອໃນຈິດໃຈບັນດາເອກະສານເຜີຍແຜ່ຄັ້ງນີ້ ໄປຄົ້ນຄວ້າ, ຜັນຂະ ຫຍາຍໃຫ້ເລິກເຊິ່ງ, ກວ້າງຂວາງ ເພື່ອເຮັດໃຫ້ວຽກງານຕິດຕາມ-ກວດກາ, ສະກັດກັ້ນ ແລະ ຕ້ານການສໍ້ລາດບັງ ຫລວງໃຫ້ມີຄວາມເຂັ້ມແຂງ, ຮັບປະກັນປະສິດທິພາບ, ປະສິດທິຜົນ ແລະ ຜົນສັກສິດຂອງ ວຽກງານກວດກາສູງ ຂຶ້ນກວ່າເກົ່າ.
ຂ່າວ-ພາບ ກະຊວງການຕ່າງປະເທດ
