ໃນວັນທີ 30 ມີນາ 2023 ນີ້, ໜ່ວຍພັກທີ 3 ຫ້ອງພະລາທິການ ກອງພົນທີ 2 ໄດ້ເປີດປະຊຸມໃຫຍ່ ຄັ້ງທີ lV ຂອງຕົນຂື້ນ ແລະ ອັດລົງດ້ວຍຜົນສຳເລັດອັນຈົບງາມ ໂດຍການເຂົ້າຮ່ວມເປັນປະທານຂອງສະຫາຍ ພັນເອກ ບຸນກໍ່າ ພີມພົງພັນ ຄະນະພັກກອງພົນ ເລຂາຄະນະພັກຮາກຖານ ຫົວໜ້າຫ້ອງພະລາທິການ ກອງພົນທີ 2, ມີບັນດາສະຫາຍຄະນະໜ່ວຍພັກ, ແຂກຖືກເຊີນ, ຕະຫລອດຮອດສະມາຊິກພັກສົມບູນ ແລະ ສຳຮອງພາຍໃນໜ່ວຍເຂົ້າຮ່ວມ.
ໃນກອງປະຊຸມ ໄດ້ຮັບຟັງບົດລາຍງານການເມືອງທັງ 2 ພາກ ເຊິ່ງນໍາສະເໜີໂດຍ ສະຫາຍ ພັນໂທ ສົມພົດ ສັນຍາ ຮອງເລຂາຄະນະໜ່ວຍພັກທີ 3 ຫ້ອງພະລາທິການ ກອງພົນທີ 2, ເຊິງໄດ້ຍົກໃຫ້ເຫັນໝາກຜົນການນໍາພາທີ່ຖືກຕ້ອງຂອງຄະນະພັກ ໃນໄລຍະ 5 ປີຜ່ານມາ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານຂອງຄະນະພັກກະຊວງປ້ອງກັນປະເທດວາງອອກ, ຜູ້ເຂົ້າຮ່ວມກອງປະຊຸມໄດ້ສຸມທຸກສະຕິປັນຍາຂອງຕົນເຂົ້າໃນການຄົ້ນຄວ້າບັນຫາສຳຄັນ ເຮັດໃຫ້ກອງປະຊຸມດຳເນີນໄປດ້ວຍຄວາມຮັບຜິດຊອບສູງ ແລະ ມີຜົນສຳເລັດຢ່າງຈົບງາມ, ກອງປະຊຸມໄດ້ດໍາເນີນການປ່ອນບັດຄັດເລືອກເອົາຄະນະໜ່ວຍພັກຊຸດໃໝ່; ກອງປະຊຸມປະຖົມມະລຶກ ໄດ້ເປັນເອກະສັນຮັບຮອງເອົາ ສະຫາຍ ພັນໂທ ສົມພົດ ສັນຍາ ເປັນເລຂາໜ່ວຍພັກ, ສະຫາຍ ພັນໂທ ສົມບູນ ສີວັນໄຊ ເປັນຮອງເລຂາໜ່ວຍພັກ, ສະຫາຍ ພັນໂທ ສາຍໝອນ ສອນທະຈັກ ເປັນກໍາມະການໜ່ວຍພັກ.
ຕອນທ້າຍຂອງກອງປະຊຸມ ສະຫາຍ ພັນເອກ ບຸນກໍ່າ ພີມພົງພັນ ຄະນະພັກກອງພົນ ເລຂາຄະນະພັກຮາກຖານ ຫົວໜ້າຫ້ອງພະລາທິການ ກອງພົນທີ 2 ໄດ້ໂອ້ລົມໃຫ້ທິດຊີ້ນໍາໃນການຈັດຕັ້ງນໍາພາຂອງຄະນະໜ່ວຍພັກຊຸດໃໝ່ຫລາຍບັນຫາທີ່ສໍາຄັນຕື່ມອີກ.
ໂດຍ: ສຸວັນໂນ ທະລັງສີ
