ຕາມຂ່າວຈາກວິທະຍຸສາກົນຫວຽດນາມ ໃນວັນທີ 27 ມີນານີ້ ທ່ານ ເວືອງ ດິ່ງເຫ້ວ, ປະທານສະພາແຫ່ງຊາດຫວຽດນາມ ໄດ້ເຈລະຈາແບບທາງໄກກັບ ທ່ານ ຈ້າວ ເລີ້ຈີ້, ປະທານຄະນະປະຈຳສະພາຜູ້ແທນປະຊາຊົນແຫ່ງຊາດຈີນ. ໃນໂອກາດນີ້ ທ່ານ ເວືອງ ດິ່ງເຫ້ວ ສະເໜີ ຈີນ ເປີດກວ້າງ ການນຳເຂົ້າ ສິນຄ້າ, ເປັນຕົ້ນແມ່ນ ຜະລິດ ຕະພັນ ກະສິກຳ ແມ່ນທ່າ ແຮງຂອງ ຫວຽດນາມ, ສ້າງຄວາມສະດວກ ໃຫ້ແກ່ ສິນຄ້າ ຫວຽດນາມ ຜ່ານແດນ ໄປຍັງ ປະເທດທີ 3 ຜ່ານ ເສັ້ນທາງ ລົດໄຟ ອາຊີ-ເອີຣົບ, ຍູ້ແຮງ ບັນດາ ໂຄງການ ລົງທຶນ ທີ່ມີຂອບ ຂະໜາດໃຫຍ່, ມີຄຸນນະພາບສູງ ຂອງ ຈີນ ຢູ່ ຫວຽດນາມ, ສົມທົບກັນ ຍູ້ແຮງ ຄວາມຄືບໜ້າ ບັນດາ ໂຄງການ ຊ່ວຍເຫລືອຫລ້າ ຂອງ ຈີນ, ເພີ່ມທະວີ ການເຊື່ອມຕໍ່ ທາງບົກ, ທາງລົດໄຟ, ທາງທະເລ, ການບິນ ທີ່ຮັບໃຊ້ ໃຫ້ແກ່ ຄວາມຕ້ອງການ ໃນການພົວພັນ ແລກປ່ຽນ, ການເດີນທາງ ໄປມາ ຂອງປະຊາຊົນ ສອງປະເທດ, ເພີ່ມທະວີ ການພົວພັນ ແລກປ່ຽນ ມິດຕະພາບ ປະຊາຊົນ, ເປັນຕົ້ນ ແມ່ນໄວໜຸ່ມ, ຮັກສາການເຄື່ອນໄຫວ ພົບປະແລກປ່ຽນ ທີ່ເປັນມູນເຊື້ອ ກໍ່ຄືບັນ ດາກົນ ໄກ ພົບປະ ແລກປ່ຽນຕ່າງໆ ລະຫວ່າງ ທຸກຂັ້ນແລະ ທຸກຂະແໜງການ. ຈາກນັ້ນ ທ່ານ ຈ້າວ ເລີ້ຈີ້ ສະເໜີໃຫ້ສອງຝ່າຍເພີ່ມທະວີການພົບປະແລກປ່ຽນຊ່ອງທາງພັກ, ພິເສດແມ່ນແລກປ່ຽນ ຍຸດທະສາດ ລະຫວ່າງການນຳຂັ້ນສູງເພື່ອແນໃສ່ວາງແຜນກຳນົດທິດໃຫ້ແກ່ການພົວພັນສອງພັກ, ສອງລັດ, ຕັ້ງໜ້າ ຊຸກຍູ້ ບັນດາໂຄງການກ່ຽວກັບການລົງທຶນ, ການເຊື່ອມຕໍ່ຄົມມະນາຄົມ, ພ້ອມທັງຢັ້ງຢືນວ່າ: ຈີນ ພ້ອມແລ້ວທີ່ຈະສ້າງເງື່ອນໄຂ ສະດວກເພື່ອໃຫ້ຜະລິດຕະພັນກະສິກຳຫວຽດນາມ ເປີດກວ້າງການສົ່ງອອກໄປຍັງຈີນ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
