ເຖິງ: ກະຊວງ, ອົງການທຽບເທົ່າກະຊວງ, ນະຄອນຫຼວງວຽງຈັນ ແລະ ບັນດາແຂວງໃນຂອບເຂດທົ່ວປະເທດ, ເລື່ອງ: ຜົນກະທົບຂອງມົນລະພືດໝອກຄວັນ ຫຼື ຝຸ່ນລະອອງຂະໜາດບໍ່ເກີນ 2.5 ໄມຄຣອນ (PM2.5) ຕໍ່ສຸຂະພາບ.
ຕໍ່ສະພາບອາກາດທີ່ຮ້ອນເອົ້າ ແລະ ແຫ້ງແລ້ງໃນປະຈຸບັນ, ສົມທົບກັບການເກີດໄຟໄໝ້ປ່າຢູ່ຫຼາຍພື້ນທີ່ໃນຂອບເຂດ ທົ່ວປະເທດ, ອັນເປັນສາເຫດເກີດມີຝຸ່ນລະອອງ PM2 5 ສູງກວ່າຄ່າມາດຕະຖານ, ເຊິ່ງເຮັດໃຫ້ມີຜົນກະທົບຕໍ່ສຸຂະພາບ ຂອງພໍ່ແມ່ ປະຊາຊົນບັນດາເຜົ່າ. ສະນັ້ນ, ກະຊວງສາທາລະນະສຸກ ຈຶ່ງຂໍແຈ້ງເຕືອນ ແລະ ມາດຕະການປ້ອງກັນ ດັ່ງນີ້:
1. ຜົນກະທົບຝຸ່ນລະອອງ PM25 ຕໍ່ສຸຂະພາບ: ເຮັດໃຫ້ເກີດພະຍາດໃໝ່ ຫຼື ພະຍາດຊໍ້າເຮື້ອຊຸດໂຊມລົງ ເຊັ່ນ: ລະບົບ
ເດີນຫາຍໃຈ ແລະ ປອດ, ລະບົບຫົວໃຈ-ເສັ້ນເລືອດ ແລະ ສະໜອງ, ຜົວໜັງ ແລະ ອະໄວຍະວະຂອງຮ່າງກາຍ.
2. ກຸ່ມປະຊາກອນທີ່ມີຄວາມສ່ຽງສູງ
• ເດັກນ້ອຍ, ແມ່ຍິງຖືພາ ແລະ ຜູ້ອາຍຸສູງ: • ຜູ້ທີ່ມີພະຍາດຊໍ້າເຮື້ອ ເປັນຕົ້ນ: ພະຍາດລະບົບຫາຍໃຈ ເຊັ່ນ ພະຍາດຫອບຫືດ, ອັກເສບປອດ, ພະຍາດຫົວໃຈ-ເສັ້ນເລືອດ, ພະຍາດເບົາຫວານ, ພະຍາດມະເຮັງ, ພູມຄຸ້ມກັນຍົກຜ່ອງ ແລະ ພະຍາດຊໍ້າເຮື້ອອື່ນໆ.
3. ມາດຕະການໃນການປ້ອງກັນ:
• ຄວນຫຼີກເວັ້ນການສຳພັດໂດຍກົງຕໍ່ຝຸ່ນລະອອງ PM2.5, ຖ້າມີຄວາມຈຳເປັນຕ້ອງອອກເຮືອນ ຫຼື ຕຶກອາຄານໃຫ້ໃສ່ຜ້າ ອັດຝາກ-ຕັ່ງ, ເຄື່ອງປ້ອງກັນແສງແດດ, ໝວກ ແລະ ອື່ນໆ;
• ຄວນຫຼີກເວັ້ນການດຳເນີນກິດຈະກຳກາງແຈ້ງ ທີ່ໃຊ້ໄລຍະເວລາດົນ ເຊັ່ນ: ການອອກແຮງງານ, ອອກກຳລັງກາຍ ຫຼື ກິດຈະກຳອື່ນໆ;
• ດື່ມນໍ້າ ແລະ ເຄື່ອງດື່ມທີ່ມີເກືອແຮ່ທົດແທນໃຫ້ພຽງພໍ
• ຖ້າມີອາການຜິດປົກກະຕິທາງສຸຂະພາບໃຫ້ໄປພົບແພດປິ່ນປົວຕາມສະຖານທີ່ບໍລິການສຸຂະພາບຕ່າງໆ:
• ເພີ້ມທະວີການໂຄສະນາສຸຂະສຶກສາ ໃຫ້ທຸກພາກສ່ວນໃນສັງຄົມເຂົ້າໃຈຜົນກະທົບຕໍ່ສຸຂະພາບຂອງມົນລະຝົດຝຸ່ນ ລະຂອງ PM2.5 ເພື່ອວາງມາດຕະການປ້ອງກັນຢ່າງຖືກຕ້ອງ
ດັ່ງນັ້ນ, ຈຶ່ງແຈ້ງເຕືອນມາຍັງທຸກພາກສ່ວນເພື່ອຊາບ ແລະ ພ້ອມກັນປະຕິບັດ ຢ່າງເຂັ້ມງວດ.
