ຕາມຂ່າວຈາກຈີນ ວັນທີ 24 ມີນານີ້, ການເປີດເສັ້ນທາງລົດໄຟຂົນສົ່ງສິນຄ້າຈາກນະຄອນຫລວງປັກກິ່ງ ໄປຍັງເອີຣົບ ເປັນໄປຕາມແຜນຂອງລັດຖະບານ ສປ ຈີນ ເພື່ອພັດທະນາເມືອງສູນກາງບໍລິໂພກສາກົນ ໂດຍລົດໄຟບັນທຸກສິນຄ້າ 55 ຕູ້ ເກັບສິນຄ້າ (ຄອນແທນເນີ) ແລ່ນອອກຈາກນະຄອນຫລວງປັກກິ່ງ ຂອງ ສປ ຈີນ ໄປຍັງນະຄອນຫລວງມົດສະກູ ຂອງຣັດເຊຍ.
ນັບເປັນການເປີດບໍລິການລົດໄຟຂົນສົ່ງສິນຄ້າ ລະຫວ່າງ ສປ ຈີນ ແລະ ເອີຣົບ ໂດຍກົງຈາກ ສປ ຈີນ ເປັນຄັ້ງທຳອິດ ໂດຍສະເພາະສິນຄ້າປະເພດເຄື່ອງນຸ່ມຫົ່ມ, ເຄື່ອງໃຊ້ໃນເຮືອນ ແລະ ເຄື່ອງກໍ່ສ້າງປະເພດຕ່າງໆ ອອກຈາກສູນຂົນສົ່ງສິນຄ້າ ຂອງເມືອງເຂດຜິງກູ (Pinggu), ທາງທິດຕາເວັນອອກສຽງເໜືອ ຂອງນະຄອນຫລວງປັກກິ່ງ ແລະ ອອກຈາກ ສປ ຈີນ ຜ່ານດ່ານ ຊາຍແດນ ໝ່ານຈູຫລີ (Manzhouli) ໃນເຂດ ປົກຄອງຕົນເອງ ມົງໂກເລຍໃນທາງພາກເໜືອ ຂອງ ສປ ຈີນຄາດວ່າ ຈະໄປຮອດ ມົດສະກູ ໂດຍໃຊ້ເວລາ 18 ວັນ, ໃນໄລຍະທາງ ປະມານ 9.000 ກິໂລແມັດ.
ນອກນີ້ ໃນທ້າຍປີນີ້ີ້ ຈະເປີດບໍລິການ ລົດໄຟ 30 ຂະບວນ ຕໍ່ເດືອນ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
