ເດືອນມັງກອນ ນັກທ່ອງທ່ຽວຕ່າງປະເທດເດີນທາງໄປມຽນມາເພີ່ມຂຶ້ນ

ຂ່າວຕ່າງປະເທດລາຍງານ ເມື່ອບໍ່ດົນມານີ້, ກະຊວງການໂຮງແຮມ ແລະ ການທ່ອງທ່ຽວຂອງມຽນມາ ໄດ້ເປີດເຜີຍບົດລາຍງານ ປະລິມານນັກທ່ອງທ່ຽວຕ່າງປະເທດທີ່ເດີນທາງມາຢ້ຽມຢາມໃນໄລຍະເດືອນມັງກອນ ຢູ່ທີ່ປະມານ 35.722 ຄົນ ເພີ່ມຂຶ້ນ 214% ຈາກໄລຍະເວລາດຽວກັນຂອງປີທີ່ຜ່ານມາ ຊຶ່ງຢູ່ທີ່ 11.372 ຄົນ. ບົດລາຍງານລະບຸວ່າ ນັກທ່ອງທ່ຽວຕ່າງປະເທດທີ່ເດີນທາງເຂົ້າມາຢ້ຽມຢາມມຽນມາດ້ວຍຍົນ ມີ 17.884 ຄົນ, ທາງເຮືອສໍາລານ 89 ຄົນ ແລະ ຜ່ານດ່ານຊາຍແດນທາງບົກ 17.421 ຄົນ ໃນເດືອນມັງກອນ 2023. ອີກຢ່າງໜຶ່ງ, ປະລິມານນັກທ່ອງທ່ຽວຕ່າງປະເທດທີ່ເດີນທາງເຂົ້າມຽນມາຕະຫຼອດປີ 2022 ຢູ່ທີ່ 233.487 ຄົນ. ມຽນມາເຄີຍຮອງຮັບນັກທ່ອງທ່ຽວຕ່າງປະເທດສູງກວ່າ 4,36 ລ້ານຄົນໃນປີ 2019 ຊຶ່ງເປັນໄລຍະກ່ອນເກີດການແຜ່ລະບາດຂອງພະຍາດໂຄວິດ-19 ໂດຍໂຕເລກດັ່ງກ່າວຫຼຸດລົງຢ່າງວ່ອງໄວເຫຼືອ 900.000 ຄົນໃນປີ 2020 ແລະ 130.000 ຄົນໃນປີ 2021.