ຕາມຂ່າວຈາກນະຄອນຫລວງປັກກິ່ງ, ສປ ຈີນ ເລີ່ມອອກວີຊ່າເຂົ້າປະເທດໃຫ້ກັບຊາວຕ່າງປະເທດອີກຄັ້ງ ນັບແຕ່ວັນທີ 15 ມີນານີ້ ເປັນຕົ້ນໄປກາຍເປັນບາດກ້າວສຳຄັນໃນການຫລຸດຜ່ອນມາດຕະການຄວບຄຸມເຂັ້ມງວດ ກ່ຽວກັບການເດີນທາງຕັ້ງແຕ່ເກີດການແພ່ລະບາດໂຄວິດ-19. ນອກຈາກການອະນຸຍາດວີຊ່າໃໝ່ແລ້ວຜູ້ທີ່ໄດ້ຮັບວີຊ່າກ່ອນວັນທີ 28 ມີນາ ປີ 2020 ທີ່ຍັງບໍ່ທັນໝົດອາຍຸສາມາດເດີນທາງເຂົ້າປະເທດຈີນ ໄດ້ອີກຄັ້ງໃນທັນທີການປັບປຸງນະໂຍບາຍເລື້ອງວີຊ່າ ຫລ້າສຸດນີ້ຍັງຈະອະນຸຍາດໃຫ້ກັບໄປໃຊ້ຂໍ້ກຳນົດການຍົກເວັ້ນ ສຳລັບຜູ້ທີ່ເດີນທາງມາກັບກຳປັ່ນສຳລານຂະໜາດໃຫຍ່ ມານະຄອນຊຽງໄຮ້ ແລະ ນັກທ່ອງທ່ຽວແບບກຸ່ມ ບາງກຸ່ມຈາກຮົງກົງຂອງຈີນ, ມາເກົາ ແລະ ປະເທດ ທີ່ເປັນສະມາຊິກອາຊຽນ. ການປ່ຽນແປງ ຄັ້ງນີ້ຈະຊ່ວຍອຳນວຍຄວາມສະດວກໃນການເດີນທາງແລກປ່ຽນ ລະຫວ່າງຊາວຈີນ ກັບຊາວຕ່າງປະເທດ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
