ສຳນັກຂ່າວສານສູນກາງເກົາຫລີ (KCNA), ທ່ານ ຄິມ ຈົງອຸນ (Kim Jong-un), ຜູ້ນຳ ສປປ ເກົາຫລີ ໄດ້ສັ່ງໃຫ້ທຸກອົງການທີ່ກ່ຽວຂ້ອງເລັ່ງປັບປຸງລະບົບພື້ນຖານໂຄງລ່າງ ແລະ ການຂະຫຍາຍຂົງເຂດທີ່ກ່ຽວຂ້ອງກັບວຽກງານກະສິກໍາເພື່ອເພີ່ມການຜະລິດສະບຽງອາຫານລວມທັງປັບປຸງລະບົບຊົນລະປະທານ, ການສ້າງເຄື່ອງມືກະສິກຳທີ່ທັນສະໄໝ ເພີ່ມຂຶ້ນ ແລະ ເພີ່ມເນື້ອທີ່ປູກຝັງໂດຍຮ້ອງຂໍການດໍາເນີນງານ “ເປັນໄປດ້ວຍຄວາມຮີບດ່ວນ” ເພື່ອໃຫ້ສອດຄ່ອງກັບການປ່ຽນແປງຂອງດິນຟ້າ ອາກາດທົ່ວໂລກ ແລະ ທຸກອຸປະກອນທີ່ກ່ຽວຂ້ອງຕ້ອງມີຄວາມທັນສະໄໝກວ່າເກົ່າ.
ຂະນະທີ່ສຳນັກງານ ພັດທະນາ ຊົນນະບົດ ຂອງ ສປປ ເກົາ ຫລີ ປະເມີນຜົນຜະລິດ ເມັດພືດ ຂອງ ສປປ ເກົາຫລີ ຄາດວ່າ ຈະຫລຸດລົງເກືອບ 4% ເມື່ອທຽບໃສ່ກັບ ສະຖິຕິ ຂອງປີ 2021 ເນື່ອງຈາກ ຄວາມຂັດແຍ້ງຢ່າງຕໍ່ ເນື່ອງ ຈາກການ ຂວ້ຳບາດ ຂອງຕາເວັນຕົກ ແລະ ໄພທຳມະຊາດ ຫລາຍຄັ້ງ ໃນປີກາຍນີ້ບໍ່ວ່າຈະເປັນ ໄພແຫ້ງແລ້ງ ແລະ ລົມມໍລະສຸມ. ກອງປະຊຸມ ຄົບຄະນະ ຄັ້ງທີ 7 ຂອງຄະນະກຳມະການ ສູນກາງພັກ ແຮງງານ ຊຸດທີ 8 ເມື່ອບໍ່ດົນມານີ້, ທ່ານ ຄິມ ຈົງອຸນ ຮຽກຮ້ອງ ໃຫ້ມີ ການປະຕິວັດ ຜະລິດຕະພັນ ທາງກະສິກຳ ແລະ ຜົນຜະລິດ ທັນຍາຫານ ຂອງປີນີ້ແມ່ນ “ນັບມື້ ນັບສູງຂຶ້ນ”.ເປັນໄປຕາມ ເປົ້າໝາຍ ເພື່ອຫລຸດຜ່ອນ ຄວາມຮຸນແຮງ ຂອງການຂາດແຄນ ອາຫານ./.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
