ຕາມຂ່າວຈາກໜັງສືພິມຫວຽດນາມ (Vietnam news) ວັນທີ 28 ກຸມພານີ້ ສສ ຫວຽດນາມ ຕັ້ງເປົ້າສ້າງລາຍໄດ້ຈາກການສົ່ງອອກຜະລິດຕະພັນໝາກພ້າວ ໃຫ້ໄດ້ 1 ຕື້ໂດລາສະຫະລັດຕໍ່ປີ ໂດຍສະເພາະການສົ່ງອອກໝາກພ້າວແບບເຄິ່ງປຸງແຕ່ງ ແລະ ປຸງແຕ່ງ.
ສສ ຫວຽດນາມ ມີລາຍໄດ້ຈາກການສົ່ງອອກໝາກພ້າວ ແລະ ຜະລິດຕະພັນອື່ນໆ ບັນລຸ 900 ລ້ານໂດລາສະຫະລັດ ໃນປີ 2022 ເຮັດໃຫ້ປະເທດນີ້ກາຍເປັນປະເທດສົ່ງອອກໝາກພ້າວແຫ່ງໃຫຍ່ອັນດັບ 4 ຂອງພາກພື້ນອາຊີ-ປາຊີຟິກ. ຂະນະທີ່ຂໍ້ມູນຈາກອົງການສະບຽງອາຫານ ແລະ ການກະເສດສະຫະປະຊາຊາດ (FAO) ລະບຸວ່າ: ສສ ຫວຽດນາມ ເປັນໜຶ່ງໃນບັນດາປະເທດ ຜະລິດ ໝາກພ້າວ ແຫ່ງໃຫຍ່ ທີ່ສຸດ ໃນໂລກ ດ້ວຍຜົນຜະລິດ 1,87 ລ້ານໂຕນ ໃນປີ 2021, ດ້ວຍເນື້ອທີ່ ປູກໝາກພ້າວ 175.000 ເຮັກຕາ ຊຶ່ງສ່ວນໃຫຍ່ ແມ່ນຕັ້ງຢູ່ ເຂດທົ່ງພຽງ ແມ່ນ້ຳຂອງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
